Xalqaro iqtisodiyot

 

---

7 
7. Foydalanilgan adabiyotlar ro’yhatini tuzish 
Resurslar, qoidaga ko’ra, alifbo tartibida beriladi. Ro'yxatning yuqori 
qismida qonunlar, hujjatlar, nizomlar va boshqalar, keyin monografiyalar va 
darsliklar, so'ngra jurnal maqolalariga havolalar keltiriladi. Ro’yhatning oxirida 
esa onlayn manbalarga havolalar keltiriladi (2-ilovaga qarang).
 
8. Kurs ishi matniga qo’yiladigan texnik talablar 
Kurs ishi matni “Word” dasturida, Times New Roman 14-shriftda, satrlar 
orasidagi masofa 1,5 ni tashkil etgani holda tuzilishi lozim. 
Matn chegaralari quyidagicha bo’lishi zarur: 

Yuqoridan – 2,0 sm 

Pastdan – 2,0 sm 

Chapdan – 3,0 sm 

O’ngdan – 1,0 sm 
Kurs ishini raqamlash titul varag’idan tortib oxirgi betgacha bo’lishi kerak. 
Bunda birinchi bet, ya’ni titul varag’iga raqam qo’yilmaydi. Ishning qolgan 
betlari raqami matnning ostki qismida, o’ng tomonda joylashishi kerak. 
Qo’llanilgan adabiyotga havola varaqning pastki qismida raqamlangan holda 
keltirilishi kerak. Ishda foydalanilgan manbalarga keltirilgan barcha havolalar 
to’g’ri ketma-ketlikda raqamlanishi lozim. 
Kurs ishini bosma shaklda taqdim etish tavsiya etiladi. Titul varaqda ta'lim 
muassasasi va bo'limining to'liq nomi; kurs ishi mavzusi; talabaning ismi-sharifi; 
guruh raqami, shuningdek kurs ishi yozishda talabaga rahbarlik qiluvchi 
professor-o’qituvchining ismi-sharifi, lavozimi va ilmiy unvoni, ish bajarilgan yil 
ko'rsatilishi kerak. 

---

8 
 
9. Kurs ishini topshirish muddati 
Kurs ishini yozish va baholash uchun kafedraga topshirishga ma’lum 
muddat belgilanadi. Ishi taqdim qilish uchun oxirgi muddatni (aniq sana – 
deadline) belgilash, qabul qilingan ishlar tekshirilgandan keyin natijalarni e’lon 
qilish kafedra zimmasidadir.
Kurs ishini yozib tayyorlash muddati talabalarning faoliyatidan va berilgan 
topshiriqning murakkablik darajasidan kelib chiqqan holda belgilanadi. 
Barcha talabalar ham kurs ishlarini o’z vaqtida taqdim qila olmasliglarini 
e’tiborga olgan holda belgilangan muddat kechikish holatlari uchun quyidagi 
shartlarni belgilab qo’ygan: 

Hech qanday muddat uzaytirilish holatlari amalga oshirilmaydi 

Belgilangan maksimum balldan umumiy 30%gacha qisqartirish 
sharti bilan (maksimum 5 kun kech topshirilgan kurs ishlari uchun) 
kurs ishi qabul qilinadi. Masalan, kurs ishi uchun 100 ball berilgan 
bo’lsa kech topshirilgan kurs ishi maksimum 70 ballga baholanishi 
mumkin.