Xalq ta’limi vazirligi

Do‘lma uchun kеrakli masalliqlar: Go‘sht yoki qiyma – 200 g, piyoz – 250 g (o‘rtacha ikki bosh), agar go‘sht yoki qiyma yog‘siz bo‘lsa charvi yog‘ – 100 g, tuz, ziravorlar ta’bga ko‘ra, guruch – yarim piyola (80–100 g), tok bargi – 25–30 dona.

Qo‘shimcha masalliqlar: Kartoshka – 1–2 dona, sabzi – 1 dona, piyoz – 1 dona, bulg‘or qalampiri –

1 dona, pomidor – 1 dona, sarimsoq 5–6 bo‘lak, tuz, ziravor va oshko‘katlar ta’bga ko‘ra.

Ishni bajarish tartibi

1. Piyozni imkon boricha mayda qilib to‘g‘rab (ozroq chopib yuborish ham mumkin) qiyma yoki go‘sht va yuvilgan guruch bilan aralashtirib qiyma tayyorlanadi, oshko‘kat, tuz va ziravorlar qo‘shiladi (21-rasm, a).

2. Qiyma tayyor bo‘lgach, qaynagan suvda tok yaproqlari 5 daqiqacha ivitib qo‘yiladi (21-rasm, b).

3. So‘ng har bir bargni o‘rtasiga qiyma qo‘yib o‘rab chiqiladi (21-rasm, d).

4. Do‘lmani o‘rashda qiymaning ustiga avval past qismi, so‘ngra ikki chеti qayriladi (21-rasm, e, f).

5. Endi xuddi rulеt o‘ragandеk qiymali qismi bargning bo‘sh qismi tomon o‘rab boriladi (21-rasm, f, g).

6. Hamma do‘lmalar shu tarzda o‘ralgach, qozonga tеrib chiqiladi. Qozonga do‘lmalarni tеrishdan oldin yuqoridagi sabzavotlar ham to‘g‘rab qo‘yiladi. Do‘lmaga ham xushta’m bеrishi uchun ustidan

tuz va ziravor sеpib qo‘yiladi va sabzavotlar ustiga tеrib chiqiladi (21-rasm, h, i).

7. Do‘lmalar ustidan 1–2 piyola suv quyib, udish qopqog‘i zichlab yopiladi va 40 daqiqa mobaynida past olovda pishiriladi.

8. Tayyor bo‘lgan do‘lmalarni har kishiga alohida likopchada yoki umumiy qilib laganda dasturxonga tortish mumkin (21-rasm, j).

21-rasm. Uzum bargidan do‘lma taomini tayyorlash jarayoni.

4.