Xalq ta`limi tizimida ta`lim sifatini baholash sohasidagi xalqaro tadqiqotlarni tashkil etish

PISA (inglizcha - Programme for International Student Assessment) – turli davlatlarda 15 yoshli o‘quvchilarning savodxonligini (o‘qish, matematika, tabiiy fanlar) hamda bilimlarini amaliyotda qo‘llash qobiliyatini baholovchi dastur.

Bu dastur 3 yilda bir marotaba o‘tkaziladi. Dastlab 1997-yilda ishlab chiqilgan va 2000-yilda birinchi marta qo‘llanilgan. Bu dastur boʻyicha har uch yilda oʻquvchilarning bilimini baholash maqsadida sinovlar oʻtkaziladi. Hozirgi kungacha jami 7 marta (2000, 2003, 2006, 2009, 2012, 2015 va 2018 yillar) PISA dasturi boʻyicha testlar oʻtkazilgan boʻlib, keyingi sinovlar 2021 yilda boʻlishi rejalashtirilgan. Mamlakatimiz ham 2021 yildan bu dasturga qoʻshilishga tayyorgarlik koʻrmoqda.

Lekin bu dasturdan qatnashishdan maqsad testlarni oʻtkazish yoki oʻquvchilarni testga tayyorlash emas, oʻquvchilarimizda XXI asr koʻnikmalarini shakllantirish raqobatbordosh kadrlarni yaratish uchun mustahkam zamin yaratish hisoblanadi.

O`zbekiston Respublikasi Vazirlar Mahkamasining 2018-yil 8-dekabrda “Xalq ta`limi tizimida ta`lim sifatini baholash sohasidagi xalqaro tadqiqotlarni tashkil etish chora-tadbirlari to`g`risida”gi 997-sonli qaroriga asosan Xalq ta`limi vazirligining 2018-yil 14-dekabrdagi 316-sonli buyrug`i ishlab chiqilgan bo`lib, hozirda 2020-yilida tizimli ishlar amalga oshirilmoqda. Jumladan, respublika bo`yicha 348 ta tayanch maktab belgilanib, 6 ming nafardan ortiq o`qituvchilarning malakasi oshirildi.

O`zbekiston Respublikasi Vazirlar Mahkamasi huzuridagi ta`lim sifatini nazorat qilish Davlat ta`lim inspeksiyasi va O`zbekiston Respublikasi Xalq ta`limi vazirligining 2019-yil 7-fevraldagi 2-sonli qo`shma qaroriga asosan 17 nafar mas`ul xodimlar 2019-yil 17-23 fevral kunlari Moskva shahriga trening mashg`ulotlarida ishtirok etish uchun xizmat safariga yuborildi.