“xalq ijodiyoti” fakulteti “madaniyat va san’at muassasalarini tashkil etish va boshqarish” bo’limi 3-kurs talabasi xodjayeva

Tokioda O‘zbekiston madaniy merosi targ‘ib qilinmoqda

• Yaponiyalik olimlar Yangi O‘zbekistonning madaniy merosni ommalashtirish loyihasini yuqori baholamoqda. 
• 2019 yilning 16 dekabr kuni Yaponiya poytaxti – Tokio shahrida “O‘zbekiston va Yaponiya – Buyuk ipak yo‘lida” deb nomlangan xalqaro ilmiy konferensiya ish boshladi. Maqsad ikki mamlakat o‘rtasida O‘zbekiston madaniy merosini saqlash, o‘rganish va ommalashtirish bo‘yicha hamkorlikni yanada mustahkamlashdan iborat.
• Tadbir O‘zbekiston madaniy merosini saqlash, tadqiq etish va ommalashtirish bo‘yicha Butunjahon jamiyati, O‘zbekiston Respublikasi turizmni rivojlantirish davlat qo‘mitasi, O‘zbekiston Elektron ommaviy axborot vositalari milliy assotsiatsiyasi, O‘zbekiston Fanlar akademiyasi, O‘zbekistonning Yaponiyadagi elchixonasi tashabbusi bilan bir qator davlat, jamoat va xalqaro tashkilotlar ko‘magida tashkil etildi.

Ta’kidlash joizki, keyingi yillarda Prezident Shavkat Mirziyoev tashabbusi bilan O‘zbekistonning jahon miqyosidagi nufuzini oshirish, uning tarixi, boy madaniy merosi, turistik salohiyatini targ‘ib etishga alohida e’tibor qaratilmoqda. O‘zbekistonning uzoq va yaqin xorij mamlakatlari bilan hamkorlik aloqalari tobora kengayib bormoqda.

• Ta’kidlash joizki, keyingi yillarda Prezident Shavkat Mirziyoev tashabbusi bilan O‘zbekistonning jahon miqyosidagi nufuzini oshirish, uning tarixi, boy madaniy merosi, turistik salohiyatini targ‘ib etishga alohida e’tibor qaratilmoqda. O‘zbekistonning uzoq va yaqin xorij mamlakatlari bilan hamkorlik aloqalari tobora kengayib bormoqda.
• Prezidentimizning 17-20 dekabr kunlari Yaponiyaga rasmiy tashrifi arafasida o‘tkazilayotgan ushbu anjuman ham Kunchiqar yurtda O‘zbekistonning tarixiy merosini yanada kengroq targ‘ib etishni ko‘zda tutadi.
• Ma’lumki, O‘zbekiston va Yaponiya o‘rtasidagi madaniy aloqalar uzoq asrlarga borib taqaladi. Bugungi kunda Yaponiyadagi imperator xazinasida, bir qator ilmiy va madaniy muassasalarida, muzey va kutubxonalarda O‘zbekiston bilan bog‘liq yuzlab osori-atiqalar saqlanmoqda.
• “O‘zbekiston madaniy merosi dunyo to‘plamlarida” multimedia loyihasi doirasida o‘zbek va yapon olimlari hamkorligida “Markaziy Osiyo san’ati Yaponiya to‘plamlarida” kitob-albomi yuzaga keldi. O‘zbek, yapon, ingliz va rus tillarida chop etilgan ushbu kitobda ikki xalq madaniy aloqalari tarixi haqida hikoya qiluvchi qiziqarli maqolalar, Yaponiyada saqlanayotgan Markaziy Osiyo, xususan O‘zbekiston bilan bog‘liq durdonalarni o‘zida aks ettirgan fotosuratlar va ma’lumotlar o‘rin olgan. E’tiborga loyiq jihati shundaki, kitob O‘zbekiston Respublikasi Prezidenti Shavkat Mirziyoevning tabrik so‘zi bilan boshlanadi.
• Anjumanda ushbu kitob-albom hamda undagi ma’lumotlar asosida suratga olingan hujjatli film taqdimoti bo‘lib o‘tdi. Ta’kidlash joizki, yapon va o‘zbek olimlari ishtirokidagi bunday yirik anjuman ilk bor o‘tkazilmoqda.
• – Biz “O‘zbekiston madaniy merosi dunyo to‘plamlarida” loyihasi doirasida dunyoning o‘ndan ortiq mamlakatida ijodiy safarda bo‘ldik, –deydi O‘zbekiston madaniy merosini saqlash, tadqiq etish va ommalashtirish bo‘yicha Butunjahon jamiyati boshqaruvi raisi, “O‘zbekkino” Milliy agentligi bosh direktori Firdavs Abduxoliqov. – Biz bugun Kunchiqar yurt zaminidagi uchrashuvlar chog‘ida jahon miqyosida xalqimizning buyuk merosiga, shuningdek, Yangi O‘zbekistonda amalga oshirilayotgan islohotlarga qiziqish qancha yuqori ekaniga amin bo‘ldik. 
• Mazkur anjumanda o‘zbekistonlik va yaponiyalik olimlar ham faol ishtirok etmoqda. Ular bu kabi tadbirlar ilmiy doiralar, ommaviy axborot vositalari, jamoat arboblari, sarmoyadorlar, umuman, Buyuk ipak yo‘li merosi bilan qiziquvchi barcha insonlar o‘rtasidagi muloqotni jonlantirishga xizmat qilishini ta’kidlamoqda.