X., Boltaboeva G. R. Kar’era qilish qonunlari

МУВАФФАҚИЯТНИНГ 9-СИРИ: ЎЗ ИШИНГИЗ БИЛАН 
БОҒЛИҚ БЎЛГАН БАРЧА МАЪЛУМОТЛАРНИ ЎРГАНИБ ЧИҚИНГ 
«Агар сиз шуғулланаётган ишингизда юқори чўққиларга эришсангиз, 
Сизга катта пул топишга ва ҳизматда кўтарилишга
ҳеч нима ҳалал бера олмайди». 
Дэн Кеннеди. 
Бозор юқори сифатли ишга ва юқори унумдорликка айни мос бўлган 
ажойиб мукофотлар беради. Ўртача меҳнатни эса шунга мос бўлган ўртача 
тарзда мукофотлайди. Ўртача даражадан пастроқ бўлган ишни эса жуда ҳам 
паст даражада мукофотлаб, бу ишни бажарган инсонда омадсизлик ва 
ҳафагарчилик ҳисларини уйғотади. Шунинг учун ҳам сизнинг мақсадингиз – 
ўзингиз танлаган фаолият соҳасидаги барча майда-чуйда маълумотларгача 
тушуниб олиб, унинг ҳақиқий билимдони бўлиб олишдир. Шундагина сиз ўз 
ишингизни янада яхши ва сифатли тарзда бажара оласиз.
Ўз фаолиятингизга оид барча махсус журналларни диққат билан ўқиб 
чиқинг. Энг охирги пайтларда нашр килинган китобларни ҳам назарингиздан 
қочирманг. Ушбу соҳадаги билимдон ва тажрибали инсонлар томонидан 
ташкил қилинган ўқув курслари ва семинарларда фаол иштирок этинг ҳамда 
бу соҳадаги энг яхши мутахассислар билан яқин ҳамкорлик қилинг.
Интернет орқали маълумот алмашиниш ва ҳамкорлик қилиш ҳам ёмон 
бўлмайди. Қийинчиликларни енгиш қонуни шуни уқтирадики, агар бирор 
бир инсон исталган соҳадаги энг кўп маълумотларни йиғса, уларни ўрганса 
ва ҳаётда қўллай олса, у албатта бу соҳадаги энг катта чўққиларга эриша 
олади. Масалан, агар сиз сотув билан шуғулланаётган бўлсангиз, у ҳолда 
бутун умрингиз давомида сотув жараёнини яхшилаб ўрганинг. Билимдон ва 
саводли савдо ходимлари оддийларига нисбатан тахминан 16-20 марта кўп 

---

 
Ayupov R.X., Boltaboeva G.R. 
пул ишлайдилар. Холбуки улар ҳам, булар ҳам бир хил иш билан 
шуғулланадилар. Агар сиз менежмент билан шуғулланаётган бўлсангиз, энг 
буюк ва билимдон ҳамда малакали менежер бўлиш ҳақида қарор қабул 
қилинг. Агарда сиз ўз шахсий бизнесингизни ташкил қилаётган бўлсангиз, 
тадбиркорлик фаолиятининг усулларини, стратегияси ва тактикасини 
ўрганинг ҳамда кундалик амалиётингизда янги ғоя ва усулларни доимий 
равишда синаб кўраверинг. Асосий мақсадингиз – ўз фаолият доирангизда ва 
ишингизда энг яхши мутахассис бўлиш бўлсин. Биттагина ғоя, фикр ва 
кичкина бир нарсани билиб олиш ҳам баъзида сизнинг ҳаётингиздаги 
бурилиш нуқтаси бўлиб қолиши мумкин. Шунинг учун ҳам уларни 
ахтаришни, топишни ва синаб кўришни ҳеч қачон тўхтатманг.
МАШҚ 
Ўз ишингизнинг энг асосий томонларини, нозик жиҳатларини ва 
бошқалардан фарқли бўлган хусусиятларини аниқланг. Келажакда ўзингиз 
танлаган соҳада етакчи мутахассис бўлиш учун қандай асосий 
маълумотларга, билимларга ёки кўникмаларга эга бўлишингиз керак? Худди 
шу билим ва кўникмаларга эга бўлиш ҳамда уларни янада ривожлантириш 
учун мос келадиган иш режасини тузинг ва мунтазам равишда ҳар куни уни 
ҳаётга тадбиқ қилиш устида ишланг.