X bob O‘rnatilgan operatsion tizimga kirish

10.2. Ko‘p vazifalikning asosiy to‘rt talablari

Ko‘p vazifalikka asosiy talablar uchta: kontekstni almashtirish, aloqa va prioritetlarni boshqarish. Mazkur uchta funktsiya va to‘rtinchisi – vaqtni boshqarish – real vaqt sohasidagi talab etilgan parametr hisoblanadi. Mazkur talablarning har birini qayta ishlashning uch funktsiyasi muvaffaqiyatli real vaqt masshtabida ishlash uchun ishlab chiqilishi kerak.

Kontekstni almashtirish. Protsessor dasturni bajarayotganida, bajarish bilan bog‘liq bir necha registrlar ma’lumotlar bilan to‘ldiriladi. Ular o‘z ichiga ishchi registrlarni, buyruqlar hisoblagichini, tizim holati registrini, stek ko‘rsatkichini va qiymatini oladi.

Aloqa. Ko‘p vazifali tizimning boshqa talabi vazifalarning bir-biri bilan aloqasi hisoblanadi

Prioritetlarni boshqarish. Prioritetlar menejeri kontekst bilan birgalikda ishlaydi va navbat bo‘yicha qaysi vazifaning bajarilishini aniqlaydi.

Vaqt boshqaruvi. Real vaqt tizimidagi ko‘pvazifalikning so‘nggi talabi boshqarishni sinxronlash hisoblanadi. Bu talab masalalarning bajarilish muddatiga mas’ul hisoblanadi. Ustivorlikni belgilovchi menejer qaysi vazifa keyingi ekanini belgilab beradi, lekin aynan vaqt nazoratchisi bajarilish tartibini belgilab beradi, ya’ni vazifa qachon bajarilishini sozlaydi. Rollar orasidagi bu farq bir qadar noaniq bo‘lishi mumkin. Ammo quyidagini eslab qolish muhim: vaqt nazoratchisi vazifaning qachon bajarilishini aniqlaydi, ustuvorlik nazoratchisi esa vazifaning bajarilganligini aniqlaydi.

Vaqt nazoratchisi va ustuvorlik menejeri talablarini muvozanatlash kamdan-kam hollarda sodda va oson. Real vaqt tizimlarida ko‘p hollarda har xil tezlik bilan ishlaydigan, o‘zaro aloqada bo‘lgan asinxron (vaqt bo‘yicha mos kelmaydigan) vazifalarga ega bo‘ladilar. Lekin, diqqat bilan loyihalash va testlash yordamida vaqt va ustivrlikni muvozanatlagan real vaqt tizimi ishlab chiqilishi mumkin.