Ўзр вазирлар Маҳкамасининг

34-mavzu: Takrorlash. (1 soat, A1+:1 soat)
Mavzularni o‘rganish uchun- (33 soat, A1+: 66 soat)

Takrorlash uchun – (1 soat, A1+: 2 soat)
O‘quvchilarda shakllangan fanga oid kompetensiyalar:
Tabiiy, ijtimoiy-iqtisodiy jarayon hamda hodisalarni kuzatish, aniqlash, tushunish va tushuntirish kompetensiyasi:

A1

jonli va jonsiz tabiat, atrofimizdagi tabiatning tarkibiy qismlari va tabiat hodisalarini, suvning uch holatini va tabiatda aylanib yurishini kuzatadi va suvning tirik organizmlar va insonlar uchun ahamiyatini aytib bera oladi. Ob-havodagi o‘zgarishlarni kuzata oladi, uni mahalliy belgilarga qarab aniqlay oladi; yog‘in turlarini aytib bera oladi. Foydali qazilmalar qayerdan qazib olinishini, yoqilg‘i sifatida foydalaniladigan qazilmalarni, temir va rangli metallar eritib olinishini, qurilishda foydalaniladigan qazilma boyliklarni, ularning ishlatilishini

hayotda kuzatadi va tushunadi. O‘z o‘lkasining tabiati va tarixiy yodgorliklari haqida aytib bera oladi.

A1+

maktabda, to‘garakda jonli burchak tashkil etishda faol ishtirok eta oladi.

Globus, geografik atlas va xaritalardan amaliyotda foydalana olish kompetensiyasi:

A1

globus va xaritalardan tog‘lar, tekisliklar, okeanlar, dengizlar, daryo va ko‘llarni ko‘rsata oladi.

A1+

O‘zbekistondagi tabiat yodgorliklari, tarixiy obidalar va qadimgi yodgorliklar joylashgan hududlarni xaritalardan ko‘rsata oladi.