Vinchester

5.2. Operatsion sistema xususiyatlari.

Operatsion sistema o’zida quyidagi xususiyatlarni qamrab oladi:

1. Ishonchlilik. OS о’zi ishlayotgan qurilmalar bilan birga ishonchli bо’lishi kerak. OS foydalanuvchi aybi bilan vujudga kelgan xatoni aniqlash, uni tahlil qilish va tiklanish holatida bо’lishi zarur. OS foydalanuvchining о’zi tomonidan qilingan xatodan himoyalashi, hech bо’lmaganda dasturiy muhitga keltiriladigan zararni minimumga olib kelishi;

2. Himoya. OS bajarilayotgan masalalarni о’zaro bir biriga ta’siridan himoyalash;

3. Bashorat. OS foydalanuvchi sо’roviga bashoratchilik bilan javob berishi, foydalanuvchi buyruqlari sistemada qabul qilingan qoidalar asosida yozilgan bо’lsa, ularning ketma-ketligi qanday bо’lishidan qat’iy nazar natija bir xil bо’lishi;

4. Qulaylilik. Foydalanuvchiga OS ni taklif qilishdan maqsad resurslarni aniqlash va bu resurslarni boshqarish masalalarini yechishdan ozod qilish hamda sistemani inson psixologiyasini hisobga olgan holda loihalash;

5. Aniqlik. Foydalanuvchi sistema interfeys darajasidan pastda sodir bо’ladigan jarayondan behabar qolishi, shu bilan birga foydalanuvchi sistema haqida qancha bilgisi kelsa shuncha bilish imkoniyatiga ega bо’lishi kerak. Bu holatda interfeys sistemasida qabul qilingan qoida va fizik qurilmalar ulanishi va о’zaro bog’liqligining funksional xarakteristikasi asosida amalga oshiriladi;

6. Moslanuvchanlik. Sistema amallari foydalanuvchiga qarab sozlanishi mumkin. Resurslar majmuasi OS samaradorligini oshirish maqsadida kо’paytirish yoki kamaytirilishi;

7. Kengaytiruvchanlik. Rivojlanish jarayonida OS ga yangi fizik va dasturiy resurslar qо’shilishi;

8. Samaradorlik. Resurslar taqsimotida OS foydalanuvchi uchun maksimal holda sistema resurslaridan foydalanish darajasini oshirish, sistemaning о’zi esa iloji boricha kamroq resurslardan foydalanishi zarur. Resurslarning OS tomonidan band qilinishi foydalanuvchi imkoniyatlarini kamaytirishga olib kelishi va boshqalar.