Усмонов Б. Ш., Хабибуллаев Р. А

Якуний назорат қайдномаси (Final Examination) 
Якуний назорат (Final Examination) – талабанинг фанларни 
ўзлаштиришини текшириш усули бўлиб, фан ўқиб бўлинганидан сўнг 
Регистратор офиси томонидан ўтказилади. Якуний назорат шакли ишчи ўқув 
дастурларида белгилаб қўйилади. 
Якуний назоратга оралиқ назорат бўйича 60% дан паст натижа кўрсатган 
талабалар киритилмайди. 
Якуний назорат қайдномаси шакли иловада 18-шаклда келтирилган. 
Имтиҳон натижалари бўйича талабалар аппеляция ҳуқуқига эга. 
Аппеляцияга ариза шахсан талаба томонидан имтиҳон натижалари эълон 

---

73 
қилингандан сўнг 3 кун ичида Регистратор номига берилиши керак. 
Аппеляция кафедранинг аппеляция комиссияси томонидан ишчи ўқув 
дастурида белгиланган шаклда амалга оширилади. 
 
Шахсий якуний назорат қайдномаси 
Имтиҳонни узрли сабаб билан ўтказиб юборган талаба имтиҳон 
муддатини узайтириш ҳуқуқига эга. “Шахсий якуний назорат қайдномаси” 
имтиҳонларни муддатидан олдин топширмоқчи бўлганда ва ўқув режалардаги 
қарзларни ва фарқларни йўқотишда ҳам берилади.
Шахсий якуний назорат қайдномаси шакли иловада 19-шаклда 
келтирилган. 
Транскрипт 
Транскрипт – бу бир ёки бир нечта олий ўқув юртларида орттирилган 
академик билимлар даражасини акс эттирадиган расмий ҳужжат. Талабанинг 
фанларни ўзлаштириши мобайнида унинг барча баҳолари ва тўплаган 
кредитлари 
транскриптга 
киритилади. 
Регистратор 
транскриптнинг 
юритилиши ва унга талабанинг баҳолари киритилиши учун масъул 
ҳисобланади. У ҳар семестр якунида тўлдириб борилади.
Транскрипт қуйидаги маълумотларни ўзида жамлайди:
- талаба ҳақидаги маълумотлар; 
- ўзлаштирилган фанлар; 
- кредитлар миқдори; 
- ҳарфли ифодаланган баҳолар (Grade); 
- семестрдаги ўртача баҳо (GPA). 
Регистратор офиси фаолияти бошланиши билан бу маълумотлар 
компьютерга киритилади, яъни ҳар бир талаба учун файл очилади. 
Транскрипт олий ўқув юртининг фирма бланкасида расмийлаштирилади 
ва муҳр билан тасдиқланади. У талабанинг мурожаатига биноан қуйидаги 
ҳолларда тақдим этилади: 
1) иш берувчига тақдим этиш учун; 
2) бошқа олий ўқув юртига ўқишини кўчириш учун; 
3) магистратурага ўқишга кириш учун. 
Транскрипт талабанинг илтимосига кўра иш берувчига ёки бошқа олий 
ўқув юртига жўнатилиши мумкин. Транскрипт талаба иш берувчининг 
талабларига ёки бошқа олий ўқув юртида ўқишга қанчалик даражада мос 
келишини кўрсатади. Талаба ўзи ўзлаштирган фанларнинг тўғри қайд 
қилинганлигини текшириш ҳуқуқига эга. 
Транскриптда талабанинг фамилияси, исми, отасининг исми, туғилган 
санаси, жинси, академик даражаси, асосий дастури, қайд рақами, ўқишга 
кирган ва битирган йили, транскрипт тўлдирилган сана кўрсатилиши шарт. 
Ҳужжатнинг охирида ҳуқуқни белгиловчи ҳужжатлар (лицензия, аттестация, 
аккредитация) ҳақида маълумот берилади. 
Транскрипт шакли иловада 20-шаклда келтирилган.