Urganch – 2020 O‘zbekiston respublikasi oliy va o‘rta maxsus ta’lim vazirligi urganch davlat universiteti pedagogika fakulteti

25-topshiriq. O`QITUVCHINING DARS JARAYONIDA O`QUVCHILARNING AXLOQIY TARBIYASI MASALALARINI HAL ETISHDAGI ISH TAJRIBALARI BILAN TANISHING
Xohlagan o`qituvchining darsiga kiring, darsni tahlil qiling. Darsni tahlil qilayotganda quyidagilarga ahamiyat bering:
1) O`quv materialiga axloqiy tarbiya masalasining yechilishi nuqtayi nazaridan turib baho bering.
2) O`quv materialining imkoniyati qanchalik to`la amalga oshirilgan?
3) O`qituvchiga nimani tavsiya etish mumkin bo`lardi?
4) Darsning tuzilishidan kelib chiqsak, bu tavsiyalar qanchalik aniq?
5) O`quvchilarning axloqiy tarbiyasiga u qanday ta'sir ko`rsatadi?
6) Qanday ma'lumotlar bo`yicha bu haqda xulosa chiqarish mumkin?
7) O`zingiz ishtirok etgan darsdagi axloqiy tarbiya masalasining yechimini jurnallarda o`zingiz o`qigan, o`qituvchilar ish tajribasidan olingan o`xshash misollar bilan solishtirib ko`ring.
26-topshiriq. O`QITUVCHILARNING O`QUVCHILARNI AXLOQIY TARBIYALASHGA DOIR ETIKAVIY SUHBATLAR TAJRIBALARINI O`RGANING
1. Yuqori sinf o`qituvchisining bolalar bilan olib borgan etikaviy suhbatida ishtirok eting, uni qisqacha yozib oling, quyidagi savollar bo`yicha suhbatning qisqacha tahlilini bering:
1) Suhbat qanday vaziyatda boshlandi? Tashqi sharoit va o`quvchilar uyushqoqligi qanday edi?
2) O`qituvchi bolalarning suhbatni yaxshi idrok qilib olishi uchun qanday usullardan foydalangan?
3) O`qituvchi suhbat o`tkazar ekan, qanday masalani qo`ydi?
4) Uni o`tkazish jarayonida masala qanday yechildi?
5) Suhbat qanday tuzilgan edi?
6) Uning tuzilishi suhbatdan ko`zlagan maqsadga qanchalik muvofiq keldi?
7) O`qituvchi sinf hayotiga doir qanday materialdan foydalandi?
8) Suhbat qanday tugadi?
9) O`qituvchi qo`ygan maqsadiga erishdimi?
10) Qanday ko`rsatkich bo`yicha bu haqda fikr yuritish mumkin?


27-topshiriq. ETIKAVIY SUHBATNI ISHLAB CHIQISHNI QAYTA-QAYTA MASHQ QILING
1. Mashg`ulotga quyidagi materiallarni tayyorlang:
1) Muayyan bir sinf o`quvchilari uchun etikaviy suhbatlar mavzusini aniqlang. Tanlangan mavzuni asoslang.
2) Suhbat qanday asosda tuziladigan bo`lsa, shunga ko`ra material tanlang.
3) Suhbatni o`tkazishga sinfni qanday tayyorlash, bolalarning hayotiy tajribalaridan qanday foydalanishni o`ylab ko`ring.
4) Suhbat rejasini tuzing. Rejaning ayrim savollarini ko`rsating.
5) Suhbatni kim o`tkazadigan bo`lsa, o`shalarga yordam tariqasida adabiyotlar tanlang.
6) Mashg`ulot uchun suhbat rejasini rasmiylashtiring.
2. Tayyorlangan materialni mashg`alotda muhokama qiling, suhbatning tuzilishiga doir turli variantlarni solishtirib ko`ring.
Tayyorlangan materialni umumlashtirishda quyidagi savollarga ahamiyat bering:
1) O`qituvchi suhbat mavzusini tanlayotganda nimalarga amal qiladi?
2) O`qituvchi suhbatni o`tkazishga tayyorlayotganda ko`rgazmali qurollar, kitoblar, maqolalardan qanday foydalanishi kerak?
3) V, VI, VII sinf o`quvchilari bilan bo`ladigan suhbatning xususiyati nimalardan iborat?
4) Suhbatni qanday yakunlash kerak?