Umumiy o'rta ta'lim sifatini oshirish: mazmun, metodologiya, baholash va ta'lim muhiti

BOSHLANG‘ICH SINF O‘QUVCHILARINING IJODKORLIK 

QOBILIYATLARINI ANIQLASH METODLARI 

 

Raxmatullayeva Zuhra Boltaboyevna,  

Xorazm viloyati Urganch shahri 19-umumiy o‘rta ta’lim maktabi boshlang‘ich ta’lim 

o‘qituvchisi 

 

Shayx Sheroziyning ikki shogirdidan biri imtihondan o‘tdi, ikkinchisi esa o‘ta olmadi. 

Yiqilgan shogirdning otasi Sheroziyga arz qildi: 

- Nima uchun birdek ta’lim bermadingiz? 

Shayx Sheroziyning javobi kishini o‘ylatadi: 

- Ta’limni birdek berganman, faqat qobiliyatlar farqli... 

Ma’lumki, insonning barkamolligi tashqi ko‘rinishiga qarab emas, balki ko‘proq 

uning ma’naviy dunyosiga qarab belgilanadi. Jamiyatning ravnaqi va kelajagi ana shu 

jamiyatda yashovchilarning ham  ma’naviy, ham  moddiy kamolotiga bog‘liq. Insoniyat 

ma’naviy qashshoq ekan, risoladagiday kelajagi porloq jamiyat qurib bo‘lmasligi hayot 

haqiqati  ekanligi  ma’lum  bo‘lib  qoldi.  Bunday  insonni  tarbiyalash  muayyan  darajada 

maktab  zimmasiga  yuklatiladi.  Demak,  kelajagimiz,  or-nomusimiz,  orzu-  umidlarimiz, 

ishonchimiz, butun borlig‘imiz ana shu ilm maskani bilan bog‘liq. Bas, shunday ekan, 

butun  kuch-g‘ayratimizni,  qalb  qo‘rimizni  maktabda  olib  boriladigan  ta’lim-tarbiya 

ishiga  qaratmog‘imiz  lozim.  Bu  esa  asosan  o‘qituvchiga,  uning  olib  borayotgan 

tarbiyasining samaradorligiga , sinf tarbiyaviy soatlarining hamda sinfdan va maktabdan 

tashqari tarbiyaviy tadbirlarning nechog‘lik mahorat ila tashkil eta bilishiga bogliq. 

---