Umumiy o'rta ta'lim sifatini oshirish: mazmun, metodologiya, baholash va ta'lim muhiti

TEXNOLOGIYALARDAN FOYDALANISH 

 

Fotima Karimova,  

Toshkent shahar Chilonzor tumanidagi 281-umumiy o‘rta ta’lim maktabi boshlang‘ich 

ta’lim o‘qituvchisi 

 

Dunyo  imoratlari  ichida  eng  buyugi  bu  –  maktab.  Biz  boshlang‘ich  sinf 

o‘qituvchilari esa bu imoratning poydevori, pillapoyasini quramiz. Bilimli va intelektual 

rivojlangan  barkamol  avlod,  sog‘lom  muhit  mavjud  bo‘lgan  jamoada  tarbiyalanadi. 

O‘qituvchi  dars  jarayonida  birinchi  navbatda  sog‘lom  muhitni  yaratishi  kerak. 

Shundagina o‘quvchining bilim olish imkoniyatlari kengayadi. Barkamol shaxsni voyaga 

yetkazish  va  unda  dastlabki  bilimlarni  hosil  qilish  umumta’lim  maktablarining 

boshlang‘ich sinflarida amalga oshiriladi.  

Boshlang‘ich  sinflarda  mashg‘ulotlarni  tashkil  etish,  aytib  o‘tilganidek, 

o‘qituvchidan  yuksak  bilim,  iqtidor,  yetarli  ko‘nikma  va  malakalani  talab  etadi. 

O‘qituvchi  tomonidan  tashkil  etilgan  dars  o‘quvchining  kompetensiyalarni 

shakllantirishda muhim o‘rin tutadi. Ta’lim jarayonida interaktiv metodlar, innovatsion 

texnologiyalar,  pedagogik  va  axborot  texnologiyalarini  qo‘llashga  bo‘lgan  qiziqish 

kuchayib bormoqda. Buning sabablaridan biri, shu vaqtgacha an’ananaviy ta’lim bir xil 

usulda olib borilgan bo‘lsa, zamonaviy ta’limda o‘qituvchi ham o‘quvchi ham o‘z oldiga 

kattaroq  talablar  qo‘yadi,  faolroq  ishlaydi,  intiladi.  Pedagogik  texnologiya  asosida 

o‘tkazilgan  darslar  yoshlarning  hayotiy  vaziyatlarga  o‘z  munosabatini  bildirish, 

intilishlarini qondirib, ularni fikrlashga, o‘z nuqtayi nazarlarini asoslashga undaydi. 

Ta’lim muassasalarining o‘quv tarbiyaviy jarayonida zamonaviy o‘qitish uslublari, 

interfaol  uslublar,  innovatsion  texnologiyalarning  o‘rni  va  ahamiyati  beqiyosdir. 

Pedagogik  texnologiyalar  va  ularning  ta’limda  qo‘llanilishiga  oid  bilim,  tajriba 

o‘quvchilarning bilimli va yetuk malakaga ega bo‘lishini ta’minlaydi. 

Avallo innovatsiya so‘ziga to‘xtalsak.  

 

Har bir darsda o‘quv predmetning o‘ziga xos texnologiyasi mavjud. Innovatsion 

texnologiyalar pedagogik jarayon hamda o‘qituvchi va o‘quvchi faoliyatiga yangilik, 

o‘zgarishlar kiritish bo‘lib, uni amalga oshirishda asosan interfaol uslublardan 

foydalaniladi. 

---