Umumiy o'rta ta'lim sifatini oshirish: mazmun, metodologiya, baholash va ta'lim muhiti

BOSHLANG‘ICH SINFLARDA ZAMONAVIY TAʼLIMNI RIVOJLANTIRISH 

 

Tilewmuratova Guliston Aralbayevna, 

Qoraqalpog‘iston Respublikasi xalq taʼlimi vazirligi metodik xizmat ko‘rsatish bo‘limi 

metodisti 

 

Yurtimizda  istiqlolning  ilk  yillaridanoq  taʼlim  tizimini  takomillashtirish  va 

rivojlantirishga katta eʼtibor qaratildi. Bu eʼtibor davlat siyosati darajasiga ko‘tarilib, bu 

sohada bir qancha islohotlar amalga oshirildi. Taʼlim tizimiga oid bir qancha qarorlar, 

dasturlar qabul qilindi. O‘z navbatida bu qaror va dasturlar bugungi kun taʼlim tizimining 

jadal  rivojlanishiga  o‘z  hissasini  qo‘sha  oldi  desak  adashmaymiz.  Haqiqatdan  ham 

rivojlangan  davlatlarning  tarixiga  nazar  tashlasak,  ularda  ham,  eng  avvalo,  islohotlar 

taʼlim tizimida boshlanganini ko‘ramiz.  

Muhtaram  Prezidentimiz:  “Agar  mendan  sizni  nima  qiynaydi?  deb  so‘rasangiz, 

farzandlarimizning taʼlim va tarbiyasi deb javob beraman” deya aytganlaridek, bugungi 

kunda taʼlim tizimida amalga oshirilayotgan barcha islohotlar, eng avvalo, yurt kelajagi 

bo‘lgan o‘g‘il-qizlarimizning mukammal bilim olishlari, jismoniy va maʼnaviy jihatdan 

yetuk  bo‘lib  ulg‘ayishlari  va,  albatta,  qalbida  ona-yurtga  muhabbat  tuyg‘ularini 

mujassamlashtirish uchun xizmat qilishi kerak.  

---