Юридик шахсларнинг бирлашмалари (уюшма ва иттифоқлари).
Юридик шахслар ўзларининг фаолиятини мувофиқлаштириш, шунингдек муштарак манфаатларини ифода этиш ҳамда ҳимоя қилиш мақсадида уюшмалар (иттифоқлар) шаклида бирлашмалар тузишлари мумкин. Масалан, Ўзбекистон Республикаси ёзувчилари, композиторлари, рассомлари
уюшмалари, юридик шахсларнинг бирлашмалари (уюшма ва иттифоқлари). Агар иштирокчиларнинг қарорига мувофиқ уюшмага (иттифоққа) тадбиркорлик фаолияти билан шуғулланиш вазифаси юклатилса, бундай уюшма (иттифоқ) қонунда назарда тутилган тартибда хўжалик ширкати ёки жамиятига айлантирилиши керак. (4)
Муассасалар бошқарув, ижтимоий-маданий вазифаларни ёки тижоратчиликдан иборат бўлмаган бошқа вазифаларни амалга ошириш учун мулкдор томонидан ташкил этилган ва тўла ёки қисман молиявий таъминлаб туриладиган (масалан, давлат томонидан) ташкилот. Муассаса ўз мажбуриятлари бўйича ихтиёридаги пул маблағлари билан жавоб беради. Бу маблағлар етарли бўлмаса, тегишли мол-мулкнинг эгаси унинг мажбуриятлари юзасидан субсидиар жавобгар бўлади. Айрим турдаги давлат муассасалари ва бошқа муассасалар ҳуқуқий мавқеининг хусусиятлари қонун ҳужжатлари билан белгиланади.
Халқаро нодавлат нотижорат ташкилоти ўз низомига ва Ўзбекистон Республикасининг қонун ҳужжатларига мувофиқ Ўзбекистон Республикаси ҳудудида ҳамда битта ёки ундан кўпроқ чет эл давлати ҳудудида фаолият олиб бориши мумкин бўлган халқаро ташкилот.
Бугунги кунда Ўзбекистон Республикасида кўплаб халқаро нодавлат нотижорат ташкилотлари фаолият олиб бормоқда.
"Чегарасиз врачлар" (МСФ) халқаро ташкилоти. МСФ 1971 йилда Францияда ташкил этилган бўлиб, у бугунги кунда Европа ва Шимолий Американинг барча мамлакатлари пойтахтларида ўз ваколатхоналарига эга бўлган йирик халқаро тиббий-инсонпарварлик ноҳукумат ташкилотларидан бири ҳисобланади. Ўзбекистонда МСФнинг штабквартираси Амстердам шаҳрида жойлашган Голландия бўлими ваколатхонаси иш олиб бормоқда.
МСФнинг Ўзбекистондаги муҳим максадлари ва вазифалари жумласига профилактик ва клиник тиббий хизматларни яхшилаш, соғлиқни сақлаш соҳаси мутахассисларининг малакасини ошириш, шунингдек соғлиқни сақлашнинг ахборот салоҳиятини кенгайтириш киради. (6)
МСФ Тошкент ва Мўйноқ шаҳарларида жойлашган ўз минтақавий ваколатхоналари орқали Орол денгизи минтақасида яшайдиган аҳолига сув таъминоти, санитария, эпидемиология, оналар ва болалар соғлиқини сақлаш соҳаларида дори-дармонлар ва асбоб-ускуналар тақдим этиш, таълим бериш ва тадқиқотлар ўтказиш йўли билан инсонпарварлик ёрдами кўрсатмоқда.
Do'stlaringiz bilan baham: |