Toshkent farmasevtika instituti toksikologik kimyo kafedrasi

Miqdorini aniqlash: UB spektrofotometrik, GSX va YUSSX usullarida aniqlanadi.


ERGOMETRINNING TAHLILI


I-kimyoviy usullarda tahlili

1. 
   Marki reaktivi bilan reaksiyasi. CHinni idishchada 3-4 tomchi spirtli eritmadan qolgan qoldiqqa 1-2 tomchi Marki reaktivi tomizilsa, jigarrang rangli birikma hosil bo‘ladi.
   
2. 
   p-dimetilaminobenzaldigid bilan reaksiyasi. Tekshiriluvchi namunaga dimetilaminobenzaldigid eritmasidan qo‘shilsa, binafsha rangli birikma hosil bo‘ladi.
   
3. 
   Konsentrlangan sulfat kislota bilan reaksiyasi. CHinni idishchada 3-4 tomchi spirtli eritmadan qolgan qoldiqqa 2-3 tomchi kons. H₂SO₄ tomizilsa, qo‘ng‘ir-binafsha rangli birikma hosil bo‘ladi.
   
4. 
   Kumush nitratning spirtdagi to‘yingan eritmasi bilan reaksiyasi. Buning uchun buyum oynachasidagi quruq qoldiqqa kumush nitratning spirtdagi to‘yingan eritmasidan 2-3 tomchi tomizilib, ho‘l kamerada 20-30 daqiqa saqlanadi. Mikroskopda tekshirilganda yig‘ilgan nina shaklidagi mikrokristallar hosil qiladi. Kristallar shaklini ish daftaringizga chizing va jadvalga yozing.
   
5. 
   Simob (II) xloridning spirdagi 5 % eritmasi bilan reaksiyasi. Buning uchun buyum oynachasidagi quruq qoldiqqa Simob (II) xloridning spirdagi 5 % eritmasidan 2-3 tomchi tomizilib, ho‘l kamerada 20-30 daqiqa saqlanadi. Mikroskopda tekshirilganda xarakterli kichik shaklidagi mikrokristallar hosil qiladi. Kristallar shaklini ish daftaringizga chizing va jadvalga yozing.