Toshkent farmasevtika instituti toksikologik kimyo kafedrasi

II-fizik kimyoviy usullarda tahlili
1. Gaz suyuqlik xromatografik tahlil: kolonka - uzunligi 2 m, ichki diametri 2 mm bo‘lgan shisha naycha ichi 3% SE-30 xromosorb G-HP bilan to‘ldirilgan; qo‘zg‘aluvchi faza - azot, tezligi 45 ml/daq; kolonka harorati - 100 ⁰C dan sekin asta 300 ⁰S gacha ko‘tariladi. Tahlil vaqtida uning ushlanish indeksi RI 756 ga teng bo‘ladi.
2. Mass spektrlari: 91, 92, 65, 39, 63, 93, 51, 89. m/z cho‘qqilar hosil bo‘ladi.
Miqdorini aniqlash. Aromatik uglevodorodlar miqdorini gaz suyuqlik xromatografik tahlil usulida amalga oshiriladi.
SULFAT KISLOTANING TAHLILI


Sifat tahlili
1.Bariy xlorid eritmasi bilan reaksiyasi. Buning uchun 1 – 2 tomchi namunaga 1 –2 tomchi 5% bariy xlorid eritmasidan qo‘shiladi. Oq cho‘kma hosil bo‘lishi distillyat tarkibida sulfat kislotasi borligini tasdiqlaydi. CHo‘kma nitrat va xlorid kislotalarda, hamda ishqorda erimaydi. Reaksiya tenglamasini yozing.
2. Qo‘rg‘oshin atsetat eritmasi bilan reaksiyasi. Namunani bir nechta tomchisiga 2 – 3 tomchi 3% qo‘rg‘oshin atsetat eritmasidan qo‘shilganda oq cho‘kma hosil bo‘lishi kuzatiladi. CHo‘kma nitrat kislotada erimaydi, lekin ishqor eritmasida va ammoniy atsetatda qizdirish natijasida erib ketadi. Reaksiya tenglamasini yozing.
3. Rodizonat natriy bilan reaksiyasi. Filtr qog‘oziga 1 –2 tomchi 1% bariy xlorid eritmasidan tomizib ustiga bir tomchi yangi tayyorlangan 0,2% rodizonat natriy eritmasidan tomizilsa, qizil rangli dog‘ hosil bo‘ladi. SHu dog‘ga 1 –2 tomchi namuna tomizilganda sulfat kislotasi bo‘lgan taqdirda qizil rang o‘chib ketadi. Bu reaksiya sulfat kislotani aniqlashda xarakterli hisoblanadi. Reaksiya tenglamasini yozing.