Toshkent farmasevtika instituti toksikologik kimyo kafedrasi

Qog‘oz xromatografik tahlil natijalari.

Nashaning asosiy komponentlari	Rf	Mustahkam ko‘ki B reaktivi bilan rangi	Pauli reaktivi bilan rangi
Kannabidiol	0,21 0,05	Sarg‘ish-pushti	Och sariq
Kannabinol	0,56  0,05	Qizil-pushti	Sariq
Tetragidrokannabinol	0,83  0,05	binafsha	To‘q-sariq

2. YUpqa qatlamli xromatografik tahlil: Silikagel KSK va kremniy kislotasi bilan mustaxkam tayyorlangan va 110 ⁰C haroratda 30 daqiqa davomida faollangan plastinkalarda bajariladi.
Guvoh eritma sifatida qog‘oz xromatografiyasi uchun tayyorlangan eritma qo‘llaniladi. Qo‘zg‘almas faza sifatida to‘yintirilgan dimetilformamidli xromatografik plastinkadan foydalaniladi. Buning uchun plastinkani ostida dimetilformamid va benzolning 1:1 nisbatdagi aralashmasi solingan germetik berkiluvchi idishga tushiriladi. Benzol o‘rniga to‘rtxlorli uglerod, efir yoki sirka-etil efirini qo‘llash mumkin. Erituvchi aralashmasi plastinkani oxirigacha ko‘tarilgach, plastinkani idishdan chiqarib olib uy haroratida 20 daqiqa quritiladi, so‘ng tekshiriluvchi namuna va guvoh eritmalari start chizig‘idagi nuqtalarga kapillyar yordamida o‘tkaziladi. 5 daqiqa davomida uy haroratida quritilgach, siklogeksan saqlagan kameraga tushiriladi, erituvchi sistemasi 15 sm ga ko‘tarilgach plastikani kameradan chiqarib olinadi va uy haroratida 20 daqiqa saqlanadi.
Kannabinoidlar sorbent qatlamida erituvchiga nisbatan sekin harakatlanganligi uchun plastinkani yana ikkinchi qayta siklogeksanli sistemaga tushiriladi va 15 sm gacha ko‘tarilguncha kutiladi. So‘ng plastinka kameradan chiqarib olib quritiladi. Quruq plastinkaga Pauli reaktivi yoki mustahkam ko‘ki B reaktivini yangi tayyorlangan eritmasi purkaladi. Plastinka ikki qayta xromatogramma qilingani uchun R_f qiymatini R_f¹ deb belgilanadi, agar ko‘p marta xromatogrammalansa R_f^p belgisi qo‘yiladi.