Toshkent davlat yuridik universiteti

Yerdan foydalanish huquqini himoya qilish 
 
 
Yerdan  foydalanish  huquqi  qonun  bilan  kafolatlanadi  va  himoya 
qilinadi.  Mamlakatimiz  asosiy  qonuni  O‘zbekiston  Respublikasi 
Konstitutsiyasida  belgilanishicha,  demokratik  huquq  va  erkinliklar 
Konstitutsiya  va  qonunlar  bilan  himoya  qilinadi  (13-modda),  davlat 
fuqarolarning  Konstitutsiya  va  qonunlarda  mustahkamlangan  huquqlari 
va erkinliklarini ustunligini hisobga olib, iqtisodiy faoliyat, tadbirkorlik 
va  mehnat  qilish  erkinligini,  barcha  mulk  shakllarining  teng 
huquqliligini  va  huquqiy  jihatdan  bab-baravar  muhofaza  etilishini 
kafolatlaydi  (53-modda),  yer  va  boshqa  tabiiy  zaxiralar  davlat 
muhofazasidadir  (55-modda).  Ushbu  konstitutsion  qoidalar  yerdan 
foydalanish  huquqini  himoya  qilish  uchun  ham  umumiy,  rahbariy 
ahamiyatga  ega  bo‘lib,  yuridik  va  jismoniy  shaxslarning  yerdan 
foydalanish  huquqlarini  himoya  qilishga  bag‘ishlangan  joriy  qonunlar, 
ulardagi qoidalarni belgilashda asos rolini o‘ynaydi.  
  Konstitutsiya  asosida  yer  qonunchiligida  yerdan  foydalanish 
huquqini  himoya  qilishga  bag‘ishlangan  qoidalar  rivojlantirilgan. 
Chunonchi,