Tasdiqlayman” Yangiqo‘rg‘on axborot texnologiyalari texnikumi direktori

Axborot xavfsizligining me’yoriy – huquqiy bazasi

Zamon taraqqiy etgan sari jamiyatda axborotga bo‘lgan talab va ehtiyoj ham ortib bormoqda, ayniqsa, axborot texnologiyalarining kun sayin rivojlanib borishi axborotlar hajmining ham ortib borishiga xizmat qilib kelmoqda.

Bu kabi axborotlar ichida ma’lum ma’noda himoyani, mahfiylikni va sir saqlanishini talab etadiganlari ham bo‘ladi, negaki, bu toifadagi ma’lumotlarning oshkor bo‘lishi, o‘g‘irlanishi yoki yo‘q qilinishi kabi holatlar tashkilot uchun katta talofotlarni, moliyaviy yoki moddiy zararlarni olib kelishi mumkin. Bu kabi holatlarni oldini olish uchun esa qanday soha bo‘lmasin albatta, axborot xavfsizligini, uning himoyasi va muhofazasini amalga oshirishi lozim.

Axborot texnologiyalarining rivojlanishi jarayonida elektron shakldagi ma`lumotlar bo`yicha ijtimoiy munosabatlarni tartibga solishda "Elektron raqamli imzo to`g`risida"gi, "Axborotlashtirish to`g`risida"gi, "Elektron tijorat to`g`risida"gi va "Elektron hujjat aylanishi to`g`risida"gi Qonunlar muhim normativ-huquqiy hujjatlar bo`lib xizmat qilmoqda.

Vazirlar Mahkamasining  "Elektron raqamli imzodan foydalanishning normativ-huquqiy bazasini takomillashtirish to`g`risida"gi Qarori yuqoridagi qonunlarning bajarilishini  ta`minlovchi tashkiliy-huquqiy mexanizmlarni belgilab berdi.

Vazirlar Mahkamasining "Axborotlashtirish sohasida normativ-huquqiy bazani takomillashtirish to`g`risida"gi Qarori bilan "Davlat axborot resurslarini shakllantirish va  Davlat organlarining axborot tizimlarini tashkil etish  tartiblari to`g`risida"gi Nizomlar tasdiqlandi.

Axborot xavfsizligi bo'yicha qonunlarni O‘zbekiston Respublikasi butun qonunlar tizimining ajralmas qismi sifatida tasavvur qilish mumkin, xususan:

- tarkibida axborotlashtirish masalalariga doir me’yorlar bo'lgan konstitutsiya qonunlari;

- tarkibida axborotlashtirish masalalariga doir me’yorlar bo‘lgan umumiy asosiy qonunlar (mulk, yer osti boyliklari, yer, fuqarolar huquqi, fuqorolik, soliq xususida);

- xo‘jalikning alohida tuzilmalariga, iqtisodiyotga, davlat organlari tizimiga tegishli boshqarish va ularning maqomini aniqlash bo‘yicha qonunlar. Bu qonunlar axborot masalalari bo‘yicha alohida me’yorlarni o‘z ichiga oladi;

- munosabatlarning, xo‘jalik sohalarining, jarayonlaming muayyan muhitiga butunlay tegishli maxsus qonunlar. Bularga axborotlashtirish bo'yicha qonunlar taalluqli;

- axborotlashtirish sohasidagi qonun talablarining bajarilishini reglamentlovchi me’yoriy hujjatlar;

- qonunlar bilan belgilangan axborotlashtirish sohasidagi me’yoriy hujjatlar;

- tarkibida axborotlashtirish sohasida qonun buzilishiga javobgarlik me’yorlari bo’lgan O‘zbekiston Respublikasining huquqni muhofaza qilish qonun lari.