Tarbiya tizimida umuminsoniy qadriyatlarning roli

Madaniyat – bu shaxs xulq-atvori, muomalasi va xatti-harakatlarining ma’lum ketma – ketlik asosidagi shakllangan tizim.

Madaniyat lotincha «cultura» so’zi asosida paydo bo’lgan. Uning ma’nosi «parvarish qilish», «ishlov berish» ko’rinishlarida ifodalanadi.

Madaniyat – arabcha so’zdan olingan bo’lib, u jamiyatni ishlab chiqarish, ijtimoiy va ma’naviy hayotida qo’lga kiritgan yutuqlari majmuidir.

Madaniyat – insoniyat faoliyati mahsuli natijasi sifatida, insonlarning moddiy va ma’naviy faoliyatlari jarayonlarida vujudga keladi. Olimlarning izohlashicha, madaniyat keng ma’noli tushuncha bo’lib, u ijtimoiy amaliyotda va ongda mustahkamlanadigan faoliyatning moddiy – ma’naviy mahsulotlari: ijtimoiy hayot va ishlab chiqarishni tashkil etish shakllari, kishi holati hamda uning faoliyati turlari yig’indisidan iboratdir.