Tabiiy fanlar fakulteti botanika kafedrasi

6. Mustaqil ta’lim olish uchun talaba bibliografiya qanday bo’lishi, qanday tuzilishini bilib olishi lozim. Bibliografiyaga doir yozuvlarni alohida daftarga, bloknotga yoki kartochkalarga qayd etib (yozib) borishi kyerak. Bunda quyidagi tartibga amal qilinadi: avvalo, kitob yoki maqola muallifining familiyasi, ismi-sharifi, kitobning nomi, joy nomi, nashriyot nomi, chiqqan yili, hajmi (necha betligi) ko’rsatiladi (masalan, S.Saxobiddinov,O’simliklar sistematikasi. Toshkent, “O’qituvchi” nashriyoti 1967, 272-bet).
Ilmiy jurnal yoki ilmiy to’plamda bosilib chiqarilgan maqola bo’lsa, unda avvalo muallifning familiyasi, ismi-sharifi, so’ngra maqolaning nomi, jurnal (to’plam)ning nomi, joyi, vaqti (yili), soni, so’ngra betlari ko’rsatiladi (masalan, A.Taxtadjan. Toshbaqatoldoshlar oilasi “O’zMU” , Toshkent, 2002 y, 92 bet).
Shu bilan birga talaba kutubxonadan o’ziga kyerakli kitobni qanday qidirib topishni ham bilishi lozim. Har bir kutubxonada mavjud kitoblar bibliografiyasi (ro’yxati) shifrlanib, bibliografik kartochkalar shkaflardagi qutichalarga alfavit tartibida hamda mavzular bo’yicha (sistemalashtirilib) joylashtirilgan bo’ladi. Talaba o’ziga kyerakli kitobning nomi yozilgan kartochkadan kitobning nomi va shifrini aniqlab, kitob olishga buyurtma byerishi mumkin.
7. Darslik, ilmiy asarlar yoki maqolalarni o’qib o’rganish tartibi quyidagicha bo’lishi mumkin: tavsiya etilgan kitob, risola, darslikning bobi, paragrafi (fasli) avvalo boshdan oxirigacha bir marta o’qib chiqiladi, umumiy tasavvur hosil qilinadi: muallifi, kitobning, maqolaning, bob yoki paragrafning nomi bilib olinadi; kitobning muqaddimasi, asarning boshida yozilgan va shu asarning mazmunini ifodalaydigan stitata, annotastiya, epigrafi bilan tanishish shu kitobning muhim g’oyasi va yo’nalishi haqida tasavvur byeradi.
So’ngra qo’lda qalam (ruchka) bilan jiddiy e’tibor byerib, asosiy matn o’qib o’rganiladi, muhim o’rinlari yozib boriladi. Kitobni bobma-bob yoki paragraflar bo’yicha o’rganish va asosiy g’oyalarni qisqa yozib borish maqsadga muvofiq.