"Sug‘urta asoslari"

19-modda. Sug‘urtalovchilarni tugatilishining o‘ziga xos xususiyatlari

Sug‘urtalovchi o‘zining muassislari (ishtirokchilari) yoki sug‘urtalovchining ta’sis hujjatlarida shunday vakolat berilgan boshqaruv organining qaroriga binoan tugatilayotganda maxsus vakolatli davlat organining ruxsatnomasi talab qilinadi.

Muassislar (ishtirokchilar) yoki sug‘urtalovchining ta’sis hujjatlarida shunday vakolat berilgan boshqaruv organi tomonidan tugatish to‘g‘risidagi qaror qabul qilinganidan keyin sug‘urtalovchi maxsus vakolatli davlat organiga tugatishga ruxsatnoma olish uchun ariza bilan yozma ravishda murojaat etgan holda quyidagi hujjatlarni ilo qiladi:

sug‘urtalovchini tugatish to‘g‘risidagi qaror; majburiyatlar to‘g‘risidagi ma’lumotlar;

sug‘urtalovchini tugatish to‘g‘risidagi qaror qabul qilingan sanagacha bo‘lgan, auditorlik xulosasi bilan tasdiqlangan balans hisoboti;

sug‘urtalovchini tugatish muddatlari va shartlari ko‘rsatilgan holdagi tugatish rejasi.

Sug‘urtalovchini tugatishga ruxsatnoma olish uchun berilgan ariza zarur hujjatlar olingan kundan e’tiboran o‘n kun ichida maxsus vakolatli davlat organi tomonidan ko‘rib chiqilishi kerak.

Maxsus vakolatli davlat organi qabul qilingan qaror to‘g‘risida sug‘urtalovchini yozma ravishda xabardor qilishi shart.

Maxsus vakolatli davlat organi sug‘urtalovchini tugatish uchun ruxsatnoma berish bilan bir vaqda sug‘urtalovchinining taqdim etilgan tugatish rejasiga o‘zgartirishlar kiritshga haqli.

Maxsus vakolatli davlat organi quyidagi hollarda sug‘urtalovchini tugatishga ruxsatnoma berishni rad etishga haqli, agar:

tugatish natijasida sug‘urta qildiruvchilarning hamda sug‘urtalovchi kreditorlarining huquqlari va qonuniy manfaatlari buzilsa;

sug‘urtalovchini tugatishga ruxsatnoma berilishi uchun taqdim etilgan hujjatlarda ishonchsiz ma’lumotlar bo‘lsa yoki bu hujjatlar qonun hujjatlariga nomuvofiq bo‘lsa.