Samarqand davlat tibbiyot instituti

 

---

O’quv qo’llanma 
82 
b) 
Qon reinfuziyasi
. 
Reinfuziya deganda autogemotransfuziyaning 
bir turi sifatida bemorga uning tanasidagi yopiq bo‘shliqlariga (ko‘krak 
yoki qorin bo‘shlig‘iga) qon ketish yoki jarrohlik amaliyotida jarohatdan 
ketgan qonini o‘ziga qaytarib quyish tushuniladi. Reinfuziya uchun qon 
aseptik sharoitda maxsus cho‘michlar yoki sterillangan naychalar 
yordamida yig‘ib olinadi va unga stabilizator (geparin, glugitsir va 
boshqalar) qo‘shiladi. So‘ngra qon filtrlanadi (eng oddiy usuli - 4-6 qavat 
dokadan o‘tkazish), sterillangan shishalarga (polietilen xaltalarga) 
yig‘iladi va ulardan bemorga gemotransfuziya uchun filtrli tizimcha 
orqali vena tomiriga quyiladi. 
Reinfuziya tavsiya qilinmaydigan holatlar: 

qonning bo‘shliqda 12 soatdan ko’p turganligi (defibrinlanish 
yoki infeksiyalanish havfi); 

hamroh a’zolar bo’shliqli (qorin, ichaklar) shikastlanishi. 
Tanadagi bo‘shliqlarda yoki jarohatda salmoqli qon yig‘ilgan boshqa 
barcha holatlarda reinfuziyani tavsiya qilish mumkin. Ushbu usul eng 
ko‘p qo‘llaniladigan soha sifatida bachadondan tashqaridagi 
homiladorlikning yorilishi, tuxumdon kistasini yorilishi, taloqning 
yorilishi, plevradan ichki qon ketish, tos suyagi, son suyagi va umurtqa 
pog’onasidagi chuqur jarohatli jarrohlik amaliyoti kabilarni ko‘rsatish 
mumkin 
5. Donor qonini quyish 
Transfuziya vositasi sifatida donor qonidan foydalaniladi. Bunda 
qonning tarkibiy qismlarini quyish to‘g‘ridan-to‘g‘ri (bevosita) va 
to‘g‘ridan-to‘g‘ri bo‘lmagan (bilvosita) usulda amalga oshirilishi 
mumkin. 
12- rasm. 
To’g’ridan-to’g’ri qon quyish.
 

---

K.M. Abdiyev, U.D. Dadajanov, A.G. Madasheva