Qurilish materiallari korxonalar iqtisodiyoti

Tayanch iboralar: ishlab chiqarish resurslari, xujalik subektlari, qurilishni boshqarish, aylanma fondlar,

6.1. Ishlab chiqarish salohiyati va resurslari, ularning mazmuni, o’ziga xos xususiyatlari va qurilishdagi xo’jalik subyektlarining faoliyatidagi ahamiyati

Ma’lumki, har qanday tarmoqdagi ishlab chiqarish jarayoni uchta asosiy element: mehnat qurollari, mehnat predmetlari va bevosita mehnatning o’zidan, ya’ni inson faoliyatidan tashkil topadi.

Resurslar tushunchasi - bu pul mablag’lari, qimmatbaho buyumlar, qonunlar, joriy va kelgusidagi imkoniyatlar, daromadlar va ularning manbalaridir. Resurslar tabiiy, moddiy, iqtisodiy, moliyaviy resurslar, mehnat resurslari va hokazolar bo’lishi mumkin. Korxonalar, tarmoqlar va butun mamlakatning resurs imkoniyatlari qanchalik keng va katta bo’lsa, iqtisodiyot va uning rivojlanish istiqbollari ham shunchalik barqaror bo’ladi.

Ishlab chiqarish salohiyati - bu korxona, tashkilot va butun tarmoqning berilgan resurslar asosida u yoki bu hajmdagi mahsulot ishlab chiqarish imkoniyati yoki qobiliyatidir. Shuning uchun ham, ishlab chiqarish salohiyatini ishlab chiqarishning resurs imkoniyatlariga taqqoslanadi.

Ishlab chiqarish salohiyatining resurslar bilan ta’minlanganlik darajasiga o’zaro bog’liqligini ishlab chiqarish sharoitlari hamda u yoki bu mahsulotga bo’lgan ehtiyojlarni (iste’molchilik talabini) hisobga olgan holda tasvirlash mumkin.