Pеdаgоgikа. Psiхоlоgiya” fanidan O’quv-uslubiy majmua

DIDAKTIK SAKKIZBURCHAK
O‘qish(o‘rganish)ning maqsadi

MASHGULOTNING BORISHI:

I. Tashkiliy qism.

II. O‘tgan mavzu yuzasidan talabalar bilimini nazorat qilish va reyting tizimi asosida baholash.

III. Talabalarni mashg‘ulot mavzusi, maqsadi, borishi bilan tanishtirish, ularning faoliyatini o‘quv topshiriqlarini bajarishga yo‘llash hamda «arra» metodini tushuntirish.

«Arra» metodida kichik guruhlar 6-8 ta talabadan tashkil topadi. Mashg‘ulot davomida o‘rganiladigan mavzu mantiqan tugallangan qism (blok yoki modul) larga ajratiladi. Har bir qism yuzasidan talabalar bajarishi lozim bo‘lgan o‘quv topshiriqlari tuziladi. Talabalar guruhi mazkur topshiriqlarning bittasini bajaradi va shu qism bo‘yicha «mutaxassis»ga aylanadi. So‘ngra guruhlar qayta tashkil etiladi. Bu guruhlarda har bir qism (blok yoki modul) «mutaxassisi» bo‘lishi shart, mazkur mutaxassislar o‘zlari egallagan bilimlarni xuddi «arra» tishlari ketma-ket kelganidek navbat bilan boshqalarga bayon qiladi. Mazkur guruhlarda o‘quv materiali mantiqiy ketma-ketlikda qayta ishlab chiqiladi.

1986 yili R.Slavin «arra-2» metodini yaratgan. Mazkur metodga ko‘ra kichik guruh 4-5 talabadan tashkil topadi. Barcha guruh a’zolari ma’ruza materiali yuzasidan tuzilgan yagona topshiriq ustida ishlaydi. Guruh ichida talabalar topshiriqlarni qismlarga ajratib, bo‘lib oladilar.

Har bir talaba o‘ziga tegishli qismini puxta o‘zlashtirib «mutaxassis»ga aylanadi. Mashg‘ulot oxirida har bir kichik guruhdagi «mutaxassis»lar uchrashuvi qayta tashkil etilgan guruhlarda o‘tkaziladi.

Talabalar bilimi test savollari yordamida individual tarzda o‘tkazilib nazorat qilinadi va o‘zlashtirish darajasi baholanadi hamda guruh a’zolarining to‘plagan ballari jamlanadi, eng yuqori ball to‘plagan guruh g‘olib sanaladi.

IV. YAngi mavzuni o‘rganish.

a) «Mutaxassislar» guruhini tashkil etish hamda har bir guruh a’zolari tomonidan beriladigan o‘quv topshiriqlarini mustaqil ravishda sifatli bajarilishiga erishish.

V. Mashg‘ulot mavzusi mantiqiy tugallangan quyidagi 4 ta qismga ajratiladi:

1. 
   Tadbirkor-rahbar faoliyatiga qo‘yiladigan talablar.
   
2. 
   Boshqaruv odobi va zamonaviy iqtisodchining asosiy axloqiy qoidalari.
   
3. 
   Rahbarlik uslubidagi salbiy qusurlarni bartaraf etish.
   
4. 
   Boshqaruvning ijtimoiy-iqtisodiy asoslari.
   

Ushbu qismlar bo‘yicha talabalarning kichik guruhlari uchun quyidagi o‘quv topshiriqlari tuziladi.