O‘zbekiston respublikasining soliq kodeksi

55-modda. Soliq qarzi
Ushbu  Kodeks  maqsadida  hisoblab  chiqarilgan  (hisoblangan)  va  belgilangan  muddatlarda
to‘lanmagan  soliqlarning,  shu  jumladan  ular  bo‘yicha  bo‘nak  va  joriy  to‘lovlarning  summalari,
shuningdek  ushbu  Kodeksda  belgilangan  muddatda  to‘lanmagan  moliyaviy  sanksiyalar  va
penyalar soliq qarzi deb e’tirof etiladi.
Soliq to‘lovchining yoki soliq agentining soliq qarzi barcha soliqlar bo‘yicha ham, ularning har
biri bo‘yicha alohida-alohida ham aniqlanishi mumkin.
Soliq  qarzini  to‘lash,  shu  jumladan  uni  soliq  organlari  tomonidan  undirish  chog‘ida  to‘lash
quyidagi tartibdagi ketma-ketlikda amalga oshiriladi:
1) soliqlar summasi;
2) hisoblangan penyalar;
3) jarimalar.