Олий ва ўрта махсус таълим вазирлиги ўзбекистон журналистика ва оммавий коммуникациялар университети

Аудиторияда бажариладиган вазифа 
Аудиториядаги талабалар икки жамоага бўлинади. Ҳар бир жамоа юртимиз 
тамаддунига ёки жаҳон илм -фанига улкан хисса қўшган инсонлар ҳаёти 

---

114 
бўйича тақдимот тайёрлайди. Уларнинг ҳаётидаги ютуқлар қатори, 
омадсизликлар, болалигидаги қийинчиликлар, изланиш машаққатлари бўйича 
батафсил маълумот тўплаш керак. Тақдимотда аниқ фактлар, далиллар 
келтирилиши керак. 
Мустақил бажариш учун вазифа 
Ҳаётингизда йўл қўйган хатоликлар бўлганми? Омадсизликка учраганмисиз? 
Бундай вазиятда қандай йўл тутгансиз? Хато ва камчилигингизни тан олиш 
Сизга нима учун қийин? Атрофдагиларнинг муносабати нима учун Сизга 
таъсир қилади? Агар янгилик қилишингиз йўлида хато қилишингиз муқаррар 
бўлса, ўз йўлингиздан қайтасизми ёки бошқа муқобил йўл излаб кўрасизми? 
Таянч атамалар 
хато, қўрқув, тушкунлик, номаълумлик 
Мавзу доирасида тавсия этиладиган адабиётлар 
Дилтс Роберт. “НЛП: управления креативностью”. Москва, 1999 
https://flytothesky.ru/nauchites-naxodit-polzu-v-svoix-neudachax-i-provalax/ 
https://www.psychologos.ru/articles/view/kreativnost 
https://culture.pl/ru/artist/ezhi-grotovskiy 
https://ru.wikipedia.org/wiki 
 
 
 
 
 
 
 
 
 
 

---

115 
 
Хулоса 
Креатив фикрлаш атамаси, унинг усул ва услублари ўтган асрнинг 
ўрталарида фанга киритилган бўлсада, моҳиятан ҳар бир илмий кашфиёт, 
ихтиро, санъат асари ёки муаммони ҳал қилиш услубида ижодий ва ноодатий 
ёндашув мавжуд. Бунга мазкур қўлланмадаги факт ва далиллар мисол бўла 
олади. Демак, креатив фикрлаш амалиётда янгилик бўлмай, илмда ўтган 
асрдан бошлаб тадқиқ этилишни бошлади.
Ахборот замонида барча механик ҳаракатлар автоматлаштирилиш 
имконияти пайдо бўлгани учун ўз йўлини топиш учун ҳар ким ноодатий, 
ижодий, креатив фикрлай олишига эҳтиёж туғилди. Креатив фикрлаш 
журналистика каби ижодий соҳалар қатори илм- фанда, ишлаб чиқариш 
соҳаларида, бошқарув тизимида ҳам зарурдир. Қўлланмадаги ҳар бир бўлим 
сўнггидаги вазифаларни бажарсангиз, ҳаётнинг турли жабҳаларида фаолият 
кўрсатишингиз учун зарур бўладиган кўникмаларни эгаллайсиз 
Креатив фикрлай олиш учун ҳар бир инсон авваламбор ўзини, ўз фикр 
мулоҳазаларини, ўй - ҳаёлларини ислоҳ қилишига тўғри келади. Ҳаётдаги 
кутилмаган вазиятда ўзингизни йўқотиб қўймаслигингиз, кўпчилик эътибор 
бермаган жиҳатларда маъно ва мазмун топа олишингиз, муаммоларни ҳал 
қилишда ноодатий ечим топиш учун креатив фикрлай олишингиз ниҳоятда 
муҳим. Албатта, бу қўлланмани ўқиб чиқиб буларнинг барига эриша 
олмайсиз. Қўлланма креатив фикрлашнинг асослари ҳақида маълумот бериб, 
бу борадаги дунёқарашингизни кенгайтиради. Мантиқий, ҳиссий фикрлаш 
усуллари қатори латераль ўйлай олишингиз учун йиллар давомида ўз 
устингизда ишлашни давом эттиришингиз, мавзу доирасидаги янги
маълумотлар топиб, дунёқарашингизни мунатазм кенгайтириб боришингиз 
талаб этилади.
Асосийси, бу қўлланмани шунчаки маълумот олиш учун мутолаа 
қилманг. Балки ўрганганларингизни амалиётда қўлланг, ҳаётнинг мураккаб 
вазиятларида синовдан ўтказинг.

---

116