N. Rahmatullayeva A. Kamalov ijtimoiy menejment

Investitsiya sektori - istiqbolli sohalarga investitsiya qilish, investitsion faoliyatning samaradorligini monitoring qilish va rivojlanish rejalarini ishlab chiqish.
Marketing sektori - bozor va konyunktura monitoringi, biznes-rejani ishlab chiqish va reklama ishlari bilan shug‗ullanish.
Me‟yoriy-texnik sektor - intellektual va sanoat mulkini patentlash va huquqiy himoya qilish, bozorda korxona mahsulotlarini raqobat kurashida ustunlikka erishishiga doir tavsiyalar berish.
Axborotni tayyorlashning tahliliy-sintetik sektori - axborot tahlili va hujjatli axborotlar sintezi: hujjatlarni o‗rganish, ulardan eng muhimlarini ajratish, tashqi muhitga tarqatish, u yoki bu shaklda umumlashtirilgan natijalarni tayyorlash.
Axborot resurslari sektori - axborot resurslarini yig‗ish, tizimga keltirish va turkumlash; rahbar xodimlar uchun turli xil mavzulardagi axborotlarni tayyorlash.
Ijtimoiy rejalashtirish - boshqaruv ta‘sirining alohida bir shakli. U ilmiy asoslangan loyiha realizatsiyasi bilan bog‗liq va obyektning yangi parametrlariga erishishning aniq vositalaridan foydalanishni talab etadi.