Muvaffaqiyat Omad va muvaffaqiyat sirlari Dunyoning eng buyuk savdogari og mandino

Bugun men avvalgidan yuz baravar ko'proq hurmatga loyiq 
bo'laman.
Buni qanday amalga oshirish mumkin? Men avvalambor bir kunlik, 
bir haftalik, bir oylik va bir yillik maqsadlarni o'z oldimga qo'yaman. 
Don o'z qobig'ini yorib chiqishi uchun birinchi bo'lib yomg'ir yog'ib 
o'tishi kerak. Mening hayotim izga tushishi uchun esa, menda bunga 
xohish paydo bo'lishi kerak. Men o'z oldimga maqsad qo'yishdan oldin, 
o'zimning eng yuksak natijalarimni eslayman va bu natijalarni yuzga 
ko'paytiraman. Mana shu ko'rsatgich kelajak hayotimning normasi 

---

67 
bo'ladi. Men orzularim katta ekanligidan xavotirlanmayman. Chunki 
oyni mo'ljallab burgutga yetishmoq, burgutni mo'ljallab xarsangtoshga 
yetishmoqdan yaxshiroq. 
Bugun men avvalgidan yuz baravar ko'proq hurmatga loyiq 
bo'laman.
Mening maqsadlarim buyuk, lekin bu narsa meni cho'chitmaydi. Men 
orzuyimga yetguncha, ko'p marotabalab qoqilishim mumkin. 
Qoqilgandan keyin men albatta turaman, chunki hamma odamlar ham 
kerakli manzilga yetguncha, ko'p martalab adashadilar. Faqat, 
chuvalchang qoqilmaydi, ammo men chuvalchang emasman, o'simlik 
emasman, qo'y emasman, men- insonman. Boshqalar o'z qorgan loyidan 
xujra qursin, men esa o'zimnikidan saroy quraman. 
Bugun men avvalgidan yuz baravar ko'proq hurmatga loyiq 
bo'laman.
Don yerdan o'sib chiqishi uchun avvalambor quyosh yerni qizdirishi 
kerak, mening orzularim ro'yobga chiqishi uchun esa, mana shu 
o'ramalardagi so'zlar mening hayotim mazmuniga aylanishi kerak. Men 
bugun kechagidan ko'ra yaxshiroq bo'laman. Bugun men mo'ljallagan 
tog'imda imkonim boricha balandroq ko'tarilaman, ertaga esa- 
bugungidan balandga chiqaman, indin esa, ertadanda balandroqqa 
ko'tarilaman.
Bugun men avvalgidan yuz baravar ko'proq hurmatga loyiq 
bo'laman.

---

68 
Iliq shamol donning pishishiga yordam bergandek, menga ham 
aytmoqchi bo'lgan so'zlarimni odamlarga yetkazishga yordam beradi va 
mening orzularim hammaga ayon bo'ladi. Bu so'zlarni bir bor hammaga 
eshittirib aytganimdan keyin, men ularni qaytarib ololmayman. Chunki 
men bunday qilsam o'z-o'zimga bevafolik qilgan bo'laman. Mayli 
odamlar mening orzularim ustidan kulsinlar, lekin men baribir orqaga 
qaytmayman. Mening so'zlarim va natijalarim bir xil bo'ladi.