Muvaffaqiyat Omad va muvaffaqiyat sirlari Dunyoning eng buyuk savdogari og mandino

TO’QQIZINCHI QISM 
Ikkinchi o’rama 
 
Men bugungi kunni hammaga nisbatan muhabbat 
bilan boshlayman.
Chunki bu omadning eng asosiy siri. Mushaklar kuchi bilan 
to'siqlarni sindirish mumkin. Faqat muhabbatning ko'zga 
ko'rinmas kuchlari bilan yuraklarga yo'l topish mumkin. Toki 
men mana shu san'atni o'rganmasam, bozordagi yuk tashuvchilik 
mening qismatim. Muhabbat mening qurolim bo'ladi va men 
kimga murojat qilmasam, hech kim mening muhabbatim kuchini 
yenga olmaydi. Mening so'zlarimga ishonmaslik mumkin, 
ishlarimni inkor qilish mumkin, yuzimga qaramaslik mumkin 
ammo mening muhabbatim quyoshga o'xshab yuraklarning 
muzini eritadi.
Men bugungi kunni yuragimda hammaga nisbatan 
muhabbat bilan boshlayman.
Buni qanday bajarish mumkin? Endi men hamma narsaga 
muhabbat bilan qarayman va bu mening yangi tug'ilishim bo'ladi. 
Men quyoshni sevaman, u mening tanamni qizdiradi; men 
yomg'irni ham sevaman. U mening ruhimni tozalaydi. Men 
yorug'likni sevaman, u menga yo'l ko'rsatadi; Men tunni ham 
sevaman, chunki u menga yulduzlarni taqdim etadi; quvonch 
bilan baxtni qarshi olaman, u meni sahiy qiladi. G'amni ham 

---

43 
chidam bilan qabul qilaman, chunki u qalbimni ochiq qiladi. Men 
mukofotlarni oddiy hol deb qabul qilaman, to'siqlarni 
rivojlanishning yana bir sababi deb xisoblayman.
Men bugungi kunni yuragimda hammaga nisbatan 
muhabbat bilan boshlayman.
Men o'zgalar bilan qanday gaplashaman? Men dushmanlarimni 
maqtayman va ular mening do'stimga aylanadilar. Men 
do'stlarimni qo'llab quvvatlayman va ular mening 
qarindoshlarimga aylanadilar. Men hammani maqtash uchun 
sabab topaman, lekin g'iybatga mening hayotimda o'rin yo'q. 
Birovni ayblamoqchi bo'lsam, tilimni tishlayman. Maqtamoqchi 
bo'lsam, tomga chiqib jar solishga ham roziman. Qushlar, 
shamol, dengiz va butun dunyo yaratganga hamdu sano 
aytmaydimi? Men esa yaratganning bandalariga shu qo'shiq bilan 
murojat qila olmaymanmi? Bundan buyon men bu sirni 
unutmayman va bu mening hayotimni o'zgartiradi.