Muqimiy nomidagi

KIRISH
Mavzuning dolzarbligi: Davrimizning yetuk tilshunoslaridan biri bo‘lgan A.Nurmonov Mirzo Ulug‘bek nomidagi Farg‘ona davlat pedagogika instituti (hozirgi Farg‘ona davlat universiteti) talabaligidan to umrining oxirigacha bosib o‘tgan butunilmiyijodiy hayotini o‘zbek tilshunosligining ravnaqiga, uning dunyo miqyosidagi o‘rnini ko‘rsatishga bag‘ishladi. U o‘zbek tili fonetikasi, morfologiyasi, leksikologiyasi, sintaksisi va uslubshunosligi, o‘zbek tili va tilshunosligi tarixi, tilshunoslik nazariyasi, fonologiya va morfonologiya, morfemika va so‘z yasalishi masalalariga oid ko‘plab monografiya va maqolalarning, darslik va qo‘llanmalarning muallifi sifatida o‘zbek tilshunosligi rivojiga ulkan va munosib hissa qo‘shdi. Uning qalamiga mansub 60 ga yaqin monografiya, darslik, risola, o‘quv qo‘llanmalari, 300 ga yaqin ilmiy va ilmiy-ommabop maqolalar eng avvalo o‘zining yangiligi, originalligi, dolzarbligi bilan ajralib turadi.
Ushbu kurs ishi mavzusi tilshunoslik ilmida o‘zidan ulkan ilmiy meros qoldirib ketgan professor AbdulhamidNurmonovning ilmiy, xususan, fonologik qarashlarini o‘rganishga qaratilganligi bilan dolzarbdir.
Mavzuning o‘rganilganligi: Bugungi o‘zbek tilshunosligining yetuk darg‘asi, serqirra va zabardast olim professor A.Nurmonovningfonologik yoki umuman ilmiy qarashlari xalimonografik planda o‘rganilgan emas. Biroq olimnining 60, 70 va 80 yillik yubeleylari munosabati bilan o‘tkazilgan respublika va xalqaro ilmiy-amaliy anjumanlarda u kishining ilmiy merosi, tilshunos olim sifatidagi keng qamrovli faoliyati, komil inson sifatidagi benazir fazilatlari va ibratli umr yo‘li professor olimlar A.Rustamov, X.Ne’matov, N.Mahmudov, I.Asqarov, A.Sobirov, R.Sayfullayeva, Sh.Shaxobiddinova, Sh.Iskandarova, A.Mamajonov, M.Hakimov, M.Siddiqov va boshqa ko‘plab olimlar, ustozning shogirdlari, do‘stlari, hamkasblari va maslakdoshlari tomonidan yoritilgan va yana o‘rganilmoqda.
Kurs ishining obyekti. Obyekt sifatida darslik va qo’llanmalarda berilgan umumnazariy ma’lumotlar, davriy matbuot sahifalaridagi va boshqa sohalardan olingan materiallar belgilandi.