Microsoft Word Tursunboyev S. O'zbek teatri tarixi. Majmua

«ZAMINGA PAYVASTA INSON» 
 
G’oyat  keng  ma’nodagi,  juda  ham  xilma-xil  ko’rinishlarga  ega  vijdonlilik  mavzui 
Mashrab  Boboyev  asarlarining  o’ziga  xos  leytmotivini  tashkil  etadi.  Dramaturg  ma’naviy 
izlanishlarining  ildizi  ayni  shunda  ko’zga  tashlanadi,  asarlarining  nafasi  undan 
«oziqlanadi»,  dramaturg  insonning  grajdanlik  pozitsiyasiga  vijdoniylikni  mezon  deb 
belgilaydi. 

---

Mashrab  Boboyev  pyesalari  mohiyatiga,  chuqur  botiniy  aloqalariga  ko’ra  qishloq 
haqidagi  pyesalaridir.  Nima  haqida  yozyapsiz  degan  savolga  u  oddiygina  qilib  shunday 
javob berishi mumkin: 
«O’z yerim haqida, menga yaqin odamlar haqida»... 
Mashrab  Boboyevning  dramaturg  sifatidagi  iste’dodi  ayni  tabiiy  vaziyatlar,  oddiy  va 
real  xarakterlar,  ularning  tushunarli  va  tasavvur  qilsa  bo’ladigan  xatti-harakatlari  haqida 
so’z borganda namoyon bo’ladi. 
«Bizning  hovli»  pyesasi  M. Boboyevning  pyesalari  orasida  bir  qadar  ajralib  turadi. 
Ba’zan  dramaturg  o’z  qahramonlariga  yangi  nazar  bilan  qaragandek,  ularni  o’ziga  xos 
mezonlardan  boshqacha  mezonlar  bilan  baholayotgandek  tuyuladi.  Yoxud  ana  shu  voqea 
muallif  tomonidan  qandaydir  alohida,  o’zi  boshidan  kechirgan  hayot  bosqichida  qayta 
hikoya qilib berayotgandek tasavvur tug’iladi. 
...M. Boboyevning pyesalarida zamin bilan bevosita bog’liq, jazirama dalalar va soya-
salqin  qishloq  kishilariga  alohida  harorat  va  muhabbat  ufurib  turadi.  Qahramonlarining 
hammasi  mehnatkashlarning  farzandi.  Barcha  kishilar  ularning  mashaqqatli  nonini  yeydi, 
ularning  sa’y-harakatlari  bilan  kiyingan  va  ust-boshi  but.  M. Boboyev  qahramonlarining 
qalbi  yer  harorati  bilan,  uning  marhamati  bilan  oziqlangan.  Kim  bo’lishidan  qat’i  nazar, 
hamma buni doimo esda tutishi kerak.