Maktabgacha ta’limda nutq madaniyati” fanidan o‘quv-uslubiy majmua

6–MAVZU:

TARBIYACHI NUTQINING O’ZIGA XOS XUSUSIYATLARI

Reja:

1.Nutqning o’ziga xos xususiyatlari.

2.Mukammal nutq madaniyatiga erishish uchun nimalarga amal qilish kerak.

3.Nutqning har bir ko’rinishida muqaddima va xotima. Ya’ni uning boshlanishi va yakuni.

4.Tarbiyachi natijaga erishish uchun qanday me’yorlarga amal qilishi kerak.

5.Xulosa.

Mavzuga doir asosiy tayanch so’zlar, termin va iboralar.

Nutq mahorati, nutq sirlari, nutqdagi odob-axloq me’yorlari. Nutqning natijadorligi, nutqning boshlanishi, nutqning yakuni, uning me’yorlari. Latifalar, maqollar, hikoyat va rivoyatlar, she’riy nutqlar. Nutqiy tajriba va qarashlar.

Tafakkurning olamshumul hududlari.


Nutq so’zlovchi yoki yozuvchi tomonidan shakllantirilgan matnning muayyan ko’rinishi ifoda bo’lib, u faqatgina lisoniy hodisa sanalmasdan, balki ham ruhiyat, ham nafosat hodisasi hisoblanadi. Shuning uchun ham yaxshi nutq deyilganda, aytilmoqchi bo’lgan maqsadning tinglovchi yoki kitobxonga to’liq va aniq yetib borishi ularga ma’lum ta’sir o’tkazishi nazarda tutiladi. Shunga ko’ra nutq oldiga muayyan talablar qo’yiladi. Bu talablar nutqning kommunikativ sifatlari bo’lib, unda nutqning mantiqan to’g’ri, fikran aniq, tuzilishiga ko’ra chiroyli va yo’nalishiga ko’ra maqsadga muvofiq bo’lishi nazarda tutiladi.