М у н д а р и ж а I боб. Металларнинг кристалл тузилиши ва кристалланиш поцесси

1- §. МЕТАЛЛАРНИНГ ЭЛАСТИК ДЕФОРМАЦИЯЛАНИШИ

Металлга таъсир эттирилган куч олингандан кейин металл асли ҳолига (шаклига) қайтса, яъни унинг деформацияси йўқолса, бундай деформация эластик деформация деб аталади. Масалан, пўлат пружина сиқилса, унинг шакли ўзгаради, яъни деформацияланади, бу пружина қўйиб юборилса, яна аввалги вазиятига келади унинг деформацияси йуқолади. Анашу деформация эластик деформация бўлади.

Пружина сиқилганда пўлатнинг кристалл панжараси ўзгаради, пружина қўйиб юборилгандан кейин эса кристалл панжара яна асли ҳолига келади.
Металлнинг чўзилишидаги эластик деформацияланиши билан кучланиши орасида чизиқли боғланиш бўлиб, бу боғланиш диаграмма тарзида 62-расмда кўрсатилганидек тасвирланади. Бу боғланишнинг математик ифодаси қуйидагича бўлади ва пропорционаллик қонуни, бошқача қилиб айтганда, Гук қонуни дейилади: σ= Е δ,

62-расм. Эластик деформация билан кучланиш орасидаги боғланищ диаграммаси.

Бу ерда δ — нормал кучланиш;
Е — пропорционаллик коэффициенти;
δ - деформация (узайиш).
Пропорционаллик коэффициента (Е) Юнг модули, бошқача айтганда, эластиклик модули деб аталади ва а бурчакнинг тангенсига тенг бўлади:

E = =tga .
Юнг модули металл кристалл панжарасининг турига ва параметрита боғлиқдир. Бинобарин, ҳар хил металлар учун юнг модули турлича бўлади.
Металлнинг эластиклик хоссаси маълум чегарагачагина сақланиб қолади, кучланиш бу- чегарадан ошса, металлнинг эластиклик хоссаси йўқолади. Ана шy чегара эластиклик чегараси деб аталади. Эластиклик чегараси 62- расмдаги диаграммада А ҳарфи билан кўрсатилган кучланишга тўғри келади.
Металлнинг эластиклик хоссалари атомлараро таъсир кучларидан келиб чиқади, шунинг учун металл қиздирилганда эластиклик модули пасаяди, чунки температуранинг кўтарилиши натижасида металлнинг кристалл панжарасидаги атомлараро масофа катталашади, бинобарин, атомларнинг ўзаро тортишув кучи заифлашади.