М у н д а р и ж а I боб. Металларнинг кристалл тузилиши ва кристалланиш поцесси

В. МЕТАЛЛ ВА КОТИШМАЛАРНИНГ МЕХАНИК ХОССАЛАРИ
Маълумки, машина деталларига ёки конструкция элементларига ташқи кучлар (нагрузкалар) хилма-хил тарзда таъсир этади. Масалан, тўсинларга эгувчи кучлар, ҳар хил валларга буровчи кучлар (моментлар), двигатель шатунларига сиқувчи кучлар, транспорт воситаларининг тиркамаларига эса чўзувчи кучлар таъсир этади ва ҳоказо. Бинобарин, машина деталлари ва конструкция элементлари ана шу кучларга бардош берадиган материаллардан тайёрланиши керак.
Машина деталлари ва конструкция элементларига ташқи кучлар уч хил тарзда: статик тарзда, динамик тарзда ва ўзгарувчан тарзда таъсир этиши мумкин.
Бир текисда таъсир этувчи нагрузка статик нагрузка деб, зарб билан таъсир этувчи нагрузка динамик нагрузка деб, таъсир этиш кучи ўзгариб турадиган нагрузка эса ўзгарувчан нагрузка деб аталади. Ўзгарувчан нагрузка нолдан маълум миқдоргача ошиб бориб, яна нолга тушиши, шунингдек, чўзувчи таъсир этиб, сўнгра сиқувчи таъсир этишга ўтиши мумкин.
Металл ва қотишмаларнинг ташқи кучлар таъсирига қаршилик кўрсатиш хусусияти уларнинг механик хоссалари деб аталади. Металл ва қотишмаларнинг механик хоссалар ҳар хил кучлар таъсирида синаб кўрилади.
Металл ва қотишмаларга кучларнинг қандай таъсир этишига қараб, уларнинг чўзилишдаги, сиқилишдаги, эгилишдаги, буралишдаги, зарб таъсиридаги пухталиги (мустаҳкамлиги), шунингдек, толиқиш чегараси аниқланади.

1- §. МЕТАЛЛ ВА ҚОТИШМАЛАРНИНГ ЧЎЗИЛИШДАГИ МУСТАХКАМЛИГИНИ СИНАШ

Металл ва қотишмаларнинг чўзилишдаги мустаҳкамлигини синашда уларнинг эластиклик чегараси, пропорционаллик чегараси, эластиклик модули, оқувчанлик щегараси, мустаҳкамлик чегараси, нисбий узайиши ва нисбий торайиши (ингичкаланиши) аниқланади.

Намунада қолдиқ деформация ҳосил бўла бошлаш пайтига тўғри келадиган кучланиш эластиклик чегараси деб аталади ва σ_э билан белгиланади:

σ_{э =} Мн/м² (10^-3 кГ/мм²),

бу ерда Рэ — эластиклик чегарасига тўғри келган нагрузка, Мн ҳисобида;

Fo — намунанинг синашдан олдинги кўндаланг кесим юзи, м² ҳисобида.
Намунанииг узайиши билан кучланиш орасидаги пропорционалликнинг бузилиш пайтига
тўғри келган кучланиш пропорционаллик чегараси деб аталади ва σ_р билан белгиланади: