Laboratoriya jumıs №1

Mikroorganizmler identifikatsiyası
Ha`r bir tu`rge tiyisli bolg`an bakteriyanın` morfologik bioximiyalık, ha`m o`siw belgilerin u`yreniw na`tiyjesinde ajratıp alıng`an bakteriya kul`turasın identifikatsiya etiw mumkin.
Kul`turallıq belgileri: Olarg`a bakteriya koloniyasının` morfologik qa`siyetleri kiredi.
Koloniyalardın` u`lken – kishiligi, forması, ren`i qattı- jumsaqlıg`ı (konsistentsiyası), shetlerinin` konturı ju`zesinin` xarakteri ha`m du`zilisi bir-birinen parıq etedi. u`lkenligi boyınsha koloniyalar iri (diametri 4-5 mm) ortasha (2-mm) 81m mayda (1-2 mm), formasına qarap – domalaq,razetkag`a uksag`an japırak formada bolıwı mu`mkin. Koloniyalardın` ren`in ajratıp shıg`aratug`ın ak sarı qızıl pigmentlerden ibarat. Pigment ajratpaytug`ın bakteriyalardın` koloniyası ren`siz boladı.
Bioximiyalıq belgileri: Mikroorganizmlerdin` uglevodlardı parshalaw qa`siyetin anıqlaw ushın qısqa ha`m uzın ala-bula qatardan paydalanıladı. Kısqa qatarg`a suyıq mono xam disaxaridli Giss ortalıg`ı : glyukoza, laktoza, saxaroza, mal`toza, xam altı atomlı spirt- mannitler kiredi. Uzın ala- bula qatarg`a ko`rsetilgen uglevodlar bir katarda, ha`r turli monosaxaridli(arabinoza, ksiloza, ramnoza, galaktoza ha`m basqalar), polisaxaridli (inulin kraxmal, glikogen ha`m basqalar) ha`m spirtli (glitserin, dul`tsit, inozit xam basqalar) azıqlıq ortalıqlar kiredi. İndikator sıpatında ha`mme ortalıqqa Andrede reaktivi yaki VR reaktivi qosıladı. Tekserilip atırg`an mikroorganizmnın` taza kul`turasın ilmek arqalı ala-bula qatarlı ortalıqqa egiledi. Egilgen probirkalar 370S da termostata 18- 24 saat yamasa ko`birek uaqıtqa qoyıladı. Eger bakteriyalar uglevodtı kislota ha`m gaz payda etip parshalasa,ortalıqtın` ren`i o`zgeredi,ha`m gaz pufeksheleri payda boladı, uglevodlar parshalanbasa ortalıqtın` ren`i o`zgermeydi. Sebebi bakteriyalar ha`mmesin parshalamay, balki bir tu`rge iye Giss ortalıg`ındag`ı uglevodlardı parshalaydı. Na`tijede ha`r tu`rli ren`de parshalang`an uglevodlı indikatorlı ortalıq payda boladı, bul ala-bula qatar dep ataladı ( tsvetnoy ryad). Proteolitik fermentlerdi anıqlaw ushın bakteriya kul`turasın shanshıp, 10-20% jelatin u`stinine, peptonlı suwg`a egiledi. Jelatinge egilgen material 20-220S bir neshe ku`n dawamında termostatta saqlanadı. Eger proteolitik ferment bolsa, bakteriyalar jelatindı suyıltıradı ha`m sol jerde voronkag`a uqsag`an yaki arshag`a uqsag`an forma payda etedi