Energetika fakulteti "elektr energetikasi" kafedrasi

330–500 kV li OTQ konstruktsiyalari.
Agar 330–500 kV li OTQ ikki ish shinasi hamda aylanib o‘tuvchi shinalar tizimi sxemasi bo‘yicha qurilsa, unda tipaviy komponovka qabul qilinadi. Bir zanjirga, bir yarimta o‘chirgichli sxema uchun o‘chirgichlarni uch qator qilib o‘rnatish kom’onovkasi keng qo‘llaniladi. Bunday OTQ da uch qator o‘chirgichlar bo‘ylab yo‘llar qurish lozimligi sababli, yacheykalar uzunligi bir muncha ortadi (157,4 m). 330 kV li o‘chirgichlarni montaj va ta’mir qilish payti da avtokran istagan fazaga kela olishi uchun ular orasidagi fazalar masofasi 7,5–8 m qilib olinadi.
Ta’mir–montaj ishlarida kranning eng yuqori nuqtasi 16 m
balandlikda bo‘lishi mumkin. Krandan kuchlanish ostidagi simgacha bo‘lgan minimal masofa 4 m, simlar solqishligi esa 3 m olinishini hisobga olib, OTQ tayanchining balandligini 23 m qilib olingan.
500 kV li Shunday komponovkadagi OTQ yacheykasining uzunligi 249,4 m yacheykasining qadami esa 28 m ga teng. OTQ ning umumiy o‘lchamlari shunchalik ortadiki, uni elektr stansiya maydonida joylashtirish qiyinlashadi. 500 kVli OTQ o‘lchamlarini kichraytirish maqsadida boshqacha joylashtirish qo‘llanishi mumkin, masalan: o‘chirgichlarni shaxmat usulida ikki qator joylashtirish. Agar asbob–uskunalar tagidagi stullar balandligini 4 m dan qilib olinsa, ta’mir–montaj mexanizmlarining o‘tishi va qo‘shni zanjirlardagi tokni uzmay, ularni ishga tayyorlash imkoniyati tug‘ilib, uch qator o‘chirgichlar bo‘ylab uchta yo‘l qurishdan voz kechish mumkin bo‘ladi.
500 kV li OTQ da osma ajratgichlarni qo‘llash natijasida OTQ eni, izolyatsiyaning tarmoqlari soni, shinalash uzunligi, ustun qoziqlarga sarflanadigan temir–beton keskin kamayadi.

O‘Z-O‘ZINI NAZORAT QILISH SAVOLLARI:

1. Ochiq taqsimlash qurilmalari deb nimaga aytiladi?
2. OTQ ga xizmat qilish qulay va xavfsiz bo‘lishi qanday?
3. OTQ yong‘inga qarshi xavfsizlikni ta’minlashi qanday bo‘ladi?
4. Taqsimlash qurilmasi qanday tejamli bo‘lishi lozim?
5.OTQ konstruktsiyalariga qo‘yiladigan asosiy talablarni ayting?
6. 35-500 kV li OTQ konstruktsiyalarini sanang?
7.OTQlarning asosiy kamchiliklari qanday?
8.OTQlarning asosiy avzalliklari qanday?