A qodiriy nomidagi jizzax davlat pedagogika instituti tarix fakulteti

Axborot erkinligi-fuqarolarning konstitutsiyaviy huquqlaridan biri bo‘lib, so‘z, matbuot va boshqa ommaviy axborotga ega bo‘lgan axborotni olish huquqi va qonuniy asosda olingan axborotlarni tarqatish huquqi axborot erkinligi hisoblanadi. O‘z.Res. Konstitutsiyasiga asosan, ommoviy axborot vositalari erkindir va qonunga muvofiq ishlaydi. Ular axborotning to‘g‘riligi uchun belgilangan tartibda javobgardirlar, senzuraga yo‘l qo‘yilmaydi (67-modda)
Bilim olish huquqi-fuqarolarning ijtimoiy huquqi. Davlat tomonidan ta’minlanadi. O‘zbekiston Respublikasi Konstitutsiyasining 41-moddasida: “Har kim bilim olish huquqiga ega. Bepul umumiy ta’lim davlat tomonidan kafolatlanadi. Maktab ishlari davlat nazoratidadir” deb qayd etilgan. SHunga asosan 1997 yil 29 avgustda “Ta’lim to‘g‘risida”gi qonun va qonunni hayotga tadbiq etish uchun “Kadrlar tayyorlash milliy dastur” ham ishlab chiqilgan.
Bir palatali parlament-palatalarga bo‘linishni istisno etuvchi umumxalq vakillik tashkilotlari-parlamentlar tuzilishi. Bundan parlamentlar “bir palatali” deb ham ataladi. Dunyodagi mamlakatlardan ko‘pchiligi (60 % ga yaqini) bir palatali parlament tizimga ega. O‘zbekiston Respublikasi Oliy Kengashi (1990-1994 yillarda) va Oliy Majlisi 1995-2004 yillar mobaynida bir palatali parlament shaklida faoliyat ko‘rsatgan edi.
Vazirlar Mahkamasi-ba’zi davlatlarda, shu jumladan, O‘zbekistonda hukumatning nomi. O‘zbekiston Respublikasining hukumati 1992 yilda qabul qilingan Konstitutsiyaga ko‘ra Vazirlar Mahkamasi deb nomlanib, asosiy qomusimizning XX bob, 98-moddadasida Vazirlar Mahkamasining huquqiy maqomi va konstitutsiyaviy vakolatlari belgilab berilgan. Vazirlar Mahkamasi iqtisodiyotning, ijtimoiy va madaniy sohaning samarali faoliyatiga rahbarlikni ta’minlaydi. Vazirlar Mahkamasi davlat boshqaruv idoralari tizimiga va o‘zi tashkil etadigan xo‘jalik boshqaruvi muassasalariga boshchilik qiladi, ularning hamjihatlik bilan faoliyat ko‘rsatishini, hamda O‘zbekiston Respublikasi Oliy Majlisi tomonidan qabul qilingan qonunlarning ijrosini ta’minlaydi.
Vazirilar Mahkamasi o‘z faoliyat yo‘nalishlarini O‘z.Res. Oliy Majlisi tomonidan 1993 yil 6 mayda qabul qilingan “O‘zbekiston Respublikasining Vazirlar Mahkamasi to‘g‘risida”gi qonuni asosida tashkil etadi. O‘zbekiston Respublikasining Prezidenti Vazirlar Mahkamasining raisi hisoblanadi. Vazirlar Mahkamasi tarkibiga Bosh Vazir, uning birinchi muovini, muovinlari va a’zolari kiradi. Davlat markaziy idoralarining boshliqlari, ya’ni vazirlar, davlat qo‘mitalari raislari va boshqalar Vazirlar Mahkamasi a’zolari hisoblanadilar.
Vazirlar Mahkamasi majlislari yilning har choragida kamida bir marta o‘tkaziladi.