2-qism Toshkent 2020 O‘zbekiston respublikasi sog‘liqni saqlash vazirligi tibbiy ta’limni rivojlantirish markazi toshkent farmatsevtika instituti

Mustaqil tayyorlanish uchun savollar

1. 
   Nazorat tahlil laboratoriyasining asosiy vazifalari.
   
2. 
   Nazorat tahlil laboratoriyasining xonalari va ularning vazifalari.
   
3. 
   Nazorat tahlil laboratoriyasining dori vositalarini sifatini nazorat qilish bo‘yicha rasmiylashtiriladigan hujjatlari haqida gapirib bering?
   

V.Axborot qismi.
Dori vositalarining sifatini nazorat qilish bo‘yicha labaratoriya yoki markazlar O‘zbekiston Respublikasi dori vositalari va tibbiy texnika sifatini ta’minlovchi nazorat ruxsatnoma tizimining tarkibiy qismi hisoblanadi. Dori vositalarining sifatini nazorat qilish bo‘yicha vakolatli laboratoriyaning asosiy qismi sog‘liqni saqlash muassasasi hisoblanib ishlab chiqarish faoliyati bo‘yicha O‘zbekiston Respublikasi Sog‘liqni saqlash vazirligi Dori vositalari va tibbiy texnikaning sifatini nazorat qilish bosh boshqarmasiga moliyaviy ishlar bo‘yicha hududiy davlat organlariga bo‘ysunadi. Laboratoriya o‘z faoliyati O‘zbekiston Respublikasi Qonunlari qarorlari Sog‘liqni saqlash vaziri buyruqlari yo‘riqnomalari va boshqa me’yoriy hujjatlarga amal qiladi. Laboratoriyaning tashkiliy tuzilishi va xodimlarning shtati asosiy vazifalariga bajariladigan ish hajmiga va amaldagi mehnat qonunchiligiga muvofiq ravishda aniqlanadi. Laboratoriya unga yuklatilgan vazifalarning bajarilishini va xodimlar mehnat faoliyatining xavfsizligini ta’minlovchi shuningdek loyihalashtirishning qurilish me’yorlari talablariga javob beruvchi binoda joylashgan bo‘lishi kerak. Laboratoriya yuridik shaxs hisoblanadi uning moliyaviy mablag‘larini saqlash va barcha turdagi hisob-kitob kredit va kassa operatsiyalarini amalga oshirish maqsadida bankda mustaqil balansi hisob va boshqa hisob raqamlari bo‘ladi. Alohida mulkka nomi va rekvizitlari keltirilgan shtamp va muhrga egadir. Laboratoriya ish faoliyatini yuritish uchun DV va TTSN bosh boshqarmasi va “O‘zstandart” agentligi akkreditatsiyasidan o‘tgan va litsenziya olgan bo‘lishi kerak.