1-ma'ruza: Arifmetik amallarni o’rgatish metodikasi O'qib tayyorlanishingiz uchun 1-ma'ruza!

Boshlang’ich sinf o’qituvchisi quyidagilarni bilishi zarur:

-         boshlang’ich matematika kursidagi algebraik mazmundagi o’quv materiallarni ularning sinflar bo’yicha o’quv dasturidagi ketma-ketligini;

-         algebraik materiallar bilan tanishtirish jarayonidagi o’rganilayotgan arifmetik materiallar mazmunini;

-         algebraik materialni o’rganish jarayonida foydalanadigan ko’rsatmali qo’llanmalarni;

-         algebraik mazmundagi o’quv topshiriqlari ko’rinishlarini;

-         algebraik materialni o’rganishda foydalaniladigan didaktik o’yinlarni

-         algebraik materialning o’rganilganligini tekshirishning turli shakl va metodlarini.

             Quyidagilarni bajara olishi kerak:

-         arifmetik material bilan algebraik materiallarni o’qitishdagi uzviy bog’liqlikni amalda qo’llay olish;

-         maqsadga muvofiq ko’rsatmali vositalarni qo’llay olish;

-         maqsadga muvofiq didaktik o’yinlardan foydalanish;

-         o’quvchi bilimini sinashning turli shakl va metodlarini amalda qo’llash;

-         algebra elementlarini qamrab oluvchi yozma mustaqil ish o’quv topshiriqlarini tanlay olish;

             Mazkur mavzuni o’qitish vazifalariga quyidagilarni kiritish mumkin:

1. 
   O’quvchilarda sonli ifodalarni o’qish, yozish va taqqoslash ko’nikmalarini shakllantirish.
   
2. 
   O’quvchilarda ifodadagi amallarni bajarish tartibiga rioya qilgan holda hisoblash ko’nikmasini shakllantirish.
   
3. 
   O’quvchilarni a+b, c-d, 6*a, d:4, c*d, a:b ko’rinishdagi harfiy ifodalarni o’qish, yozish malakalarini shakllantirish va harflarning berilgan qiymatlarida ifoda qiymatini topishga o’rgatish.
   
4. 
   O’quvchilarni x+4= 12, x-7= 5, 8-x= 4, x*4= 16, x:3= 15, 28:x= 4 ko’rinishdagi sodda tenglamalar bilan tanishtirish va bu tenglamalarni tanlash, so’ngra amal komponentlari va natijasi orasidagi bog’lanishlarga asoslanib yechish malakasini shakllantirish.Ikki amalli murakkab tenglamalarni echishga  hamda masalalarni teglama tuzib echishga o’rgatish
   

 

 

 

2-reja: O’quvchilarni ifoda, sonli va harfiy ifodalar bilan tanishtirish metodikasi

Sonlar va ular ustidagi amallarni belgilaydigan matematik simvollarning ma’lum qoidalar bo’yicha tuzilgan ketma – ketligi matematik  ifoda deb ataladi. Ushbu ko’rinishdagi yozuvlar sonli ifodalardir:

14+2, 6 – 4, 5 4 – 3, (27 – 14) + 3+5 va hokazo.

 Ushbu ko’rinishdagi yozuvlar o’zgaruvchili ifodalardir:          

a – b, 14 + c; b(35 – b) : 5.

Matematika  dasturida bolalarni matematik  ifodalarni  yozish va o’qishga o’rgatish, amallarning bajarilish tartibi qoidalari bilan tanishtirish, hisoblashlarni bajarishda ulardan foydalanishga o’rgatish, ifodalarni aynan almashtirish bilin tanishtirish ko’zda tutilgan.

O’quvchilarni sonli ifodalar bilan tanishtirishda metodikada ma’lum bosqichlar ko’zda tutiladi.