Wonder share Demo Creator

O‘zbekistonda ilm-fan

Mustaqillikning dastlabki yillarida ilm-fan.

• Avvalo, O‘zbekiston Respublikasi Prezidentining 1992-yil martdagi
• farmoni bilan ilmiy kadrlar tayyorlanishini tashkil etuvchi vakolatli organ –
• Oliy attestatsiya komissiyasi (OAK) tashkil etildi.

• Oliy attestatsiya komissiyasi

Prezidentning 1992-yil iyuldagi “Ilm-fanni davlat yo‘li bilan qo‘llab-quvvatlash va innovatsiya faoliyatini rivojlantirish to‘g‘risida”gi farmoni asosida respublika olimlarini xorijiy mamlakatlarga tajriba orttirishga yuborilishi yo‘lga qo‘yildi.

1997-yil Xorazm Ma’mun akademiyasi qayta tiklanib, O‘zbekiston Fanlar akademiyasining mintaqaviy bo‘linmasi sifatida tashkil etildi.

2000-yili Fanlar akademiyasi Sharqshunoslik institutining qo‘lyozmalar fondi dunyoning eng boy qo‘lyozmalar xazinasidan biri sifatida YuNESKO madaniy merosi ro‘yxatiga kiritildi.

O‘zbekiston Respublikasi Prezidentining 2006-yil avgustdagi “Fan va texnologiyalar rivojlanishini muvofiqlashtirish va boshqarishni takomillashtirish chora-tadbirlari to‘g‘risida”gi qaroriga muvofiq

• Vazirlar Mahkamasi huzurida Fan va texnologiyalarni rivojlantirishni muvofiqlashtirish qo‘mitasi tashkil etildi

2008-yildan buyon Toshkentda innovatsion g‘oyalar, texnologiyalar va loyihalar yarmarkasi o‘tkazib kelinmoqda.

2008–2015-yillar davomida o‘tkazilgan I–VIII yarmarkalar doirasida jami 4000 dan ortiq ishlanmalar taqdim etildi.

Arxeologiya fani sohasida ham ma’lum siljishlar bo‘ldi.

• 2002-yildan “O‘zbekistonda arxeologik tadqiqotlar” yillik to‘plami, 2010-yildan esa “O‘zbekiston Arxeologiyasi” ilmiy jurnali chop etila boshlandi.

Ilm-fan va ta’lim integratsiyasi.

• O‘zbekiston fani va ta’limi integratsiyasini
• ta’minlash borasida ham qator ishlar amalga oshirilmoqda.

• Bu jarayon 2012-yilga qadar Fanlar akademiyasi tizimida ilmiy-o‘quv markazlari
• tashkil etilishi orqali amalga oshirildi.

2012-yildan esa oliy ta’lim tizimida ilmiy sektor rivojini ta’minlash maqsadida Fanlar akademiyasining 5 ta ilmiy tadqiqot instituti, 4 ta mintaqaviy ilmiy markazlari ilmiy bo‘linma tarzida qayta tashkil etildi.

Fanlar akademiyasi tuzilmalarini qisqartirish hamda akademik fan va ta’lim integratsiyasini kuchaytirish maqsadida 2014-yilda 2 ta institut va 1 ta bo‘linma oliy ta’lim muassasalari qoshidagi ilmiy-tadqiqot markazlari sifatida tashkil etildi.

Ilm-fandagi tub islohotlar.

• 2016–2017-yillar O‘zbekiston ilm-fanida tom
• ma’noda tub islohotlar davri bo‘ldi.

• O‘zbekiston Respublikasi Prezidenti Shavkat Mirziyoyev 2016-yil 30-dekabr kuni ilk bor mamlakatimizning yetakchi ilm-fan namoyandalari bilan uchrashdi.

Fanlar akademiyasi haqiqiy a’zoligiga oxirgi saylovlar 1995-yilda o‘tkazilgan edi.

• O‘tgan yillar mobaynida akademiklarning soni ikki martadan ko‘proqqa qisqardi va 2017-yilga kelib akademiyaning atigi 63 nafar haqiqiy a’zosi qolgan edi.

• O’zbekiston fanlar akademiyasi

Bugungi kunda ilmiy tadqiqot bilan shug‘ullanuvchi 400 ta muassasa ro‘yxatga olingan bo‘lib, fan sohasida 36 ming mutaxassis, jumladan, 2 mingdan ortiq fan doktori va 9 mingdan ortiq fan nomzodi faoliyat olib bormoqda.

Savol va topshiriqlar:

• 1. Mustaqillikning dastlabki yillarida tashkil etilgan Oliy attestatsiya komissiyasining vazifalari nimalardan iborat edi?
• 2. Fanlar akademiyasining faoliyati haqida nimalarni bilib oldingiz?
• 3. Ilmiy daraja (fan nomzodi, fan doktori)ga ega bo‘lishning bir bosqichli tizimidan ikki bosqichli tizimga o‘tishga nimalar sabab bo‘ldi?
• 4. O‘zbekiston Respublikasi Prezidenti Shavkat Mirziyoyevning ilm-fanni rivojlantirish borasidagi tashabbuslari nimalarda namoyon bo‘ldi?
• 5. Bugungi kunda O‘zbekistonda qancha akademik faoliyat olib bormoqda? Qo‘shimcha adabiyotlardan foydalanib ularning ayrimlari nomini sanang.