|
20. TuneUp Optimization Report—esabatlar tayarlaydı.
21.TuneUp Rescue Center —basqa utilitlar arqalı qılınģan ózgertiwlerdi, óz jaģdayına qaytarıwdı ámelge asıradı.
22.TuneUp Update Wizard— internet arqalı utilitanıń jańa versiyaların qıdıradı.
Kórip turģanıńızday júdá joqarı kólemdegi islerdi ámelge asıradı. Bir usı utilita arqalı pútin sistemanı sazlaw, basqarıw, esabatlardı statistika ushın kóriwińiz múmkin boladı. Utilitti ornatıw hám hár bir funkciyanı qanday ishsletiwdi kórsetip ótiwge qájet joq, hámmesi ápiwayı hám bir-eki click arqalı orınlaw múmkin.
2.34a – súwret. TuneUp(2012) ulıwmalıq kórinisi:
2.34b – súwret.TuneUp 1-Click Maintance:
2.34s-súwret.TuneUp Registry Editor
Geypara operaciyalıq sistemalar jeke paydalanıwshı hám bir waqıttıń ózinde ámelge asıratuģın jalģız dástúrdi orınlaydı.
Basqaları mıńlaģan paydalanıwshılar tárepinen orınlanatuģın kóplep dástúrlerdi ámelge asıradı. Operaciyalıq sistema dástúrleri siziń isińiz nátiyjeliligine tuwrıdan-tuwrı tásir etedi. Jalģız paydalanıwshı/jalģız wazıypalı operaciyalıq sistema bir waqıttıń ózinde tek ģana bir paydalanıwshıģa bir dástúr menen islew múmkinshiligin beredi. Máselen, eger siz grafikalıq dástúr menen islep atırģan bolsańız hám elektron pochtańızģa kelgen xattı teksermekshi bolsańız, siz aldın grafikalıq dástúrden shıģıwıńızģa tuwra keledi. Aldınģı sistemalarda jalģız paydalanıwshı hám jalģız wazıypa bar edi. Smartfonlar hám basqa mobil qurılmalarda kóbinese bir paydalanıwshı/bir wazıypalı operaciyalıq sistema qollanıladı. Búgingi kúnde kópshilik operaciyalıq sistemalar kóp máseleli.
Drayverler - sırtqı qurılma menen islew múmkinshiligin jaratadı, operaciyalıq sistemanıń múmkinshiliklerin keńeytirip beredi.
Jalģız paydalanıwshı / kóp máseleli operaciyalıq sistema paydalanıwshıģa bir waqıttıń ózinde bir yamasa bir neshe dástúrler menen islew múmkinshiligin beredi. Eger siz jalģız paydalanıwshı / kóp máseleli operaciyalıq sistema menen islep atırģan bolsańız elektron pochtańızdı kóriw ushın grafikalıq dástúrden shıģıwıńızģa qájet joq. Siz hár eki dástúrdi bir waqıtta iske túsiriwińiz múmkin. Tutınıwshılar búgingi kúnde bir waqıttıń ózinde bir neshe dástúrler menen isleydi. Bunday sistemalarda Word dástúri sıyaqlı ámeliy dástúrler yamasa grafikalıq redaktorlar menen islew processinde bir waqıttıń ózinde elektron pochtadan paydalanıwıńız yamasa Web-brauzer dástúrler menen islewińiz múmkin. Mısal ushın siz Windows Media Player dástúrinde film jaratıw processinde muzıka esitiwińiz múmkin. Aldıńģı poziciyadaģı dástúr-Aktiv dástúr, yaģnıy hárekettegi dástúr, siz házirde paydalanıp atırģan dástúr boladı, basqaları bolsa arqadaģı fonda jaylasadı.
Bul súwrette Windows Movie Maker Live dástúri Aktiv dástúr, qalģan úsh dástúr (Windows Media Player, Microsoft Power Point, hám shaxmat oyını) arqa fondaģı dástúrler.
2.35-súwret. Film jaratıw dástúri aldıńģı fonda Jumıs stolında hám qalģan úsh dástúrler (Windows Media Player, Microsoft Power Point, hám Shaxmat taxtası) arqadaģı fonda.
Aktiv dástúr ádette Jumıs stolında ekranda kórsetiledi, basqa dástúrler Aktiv dástúr arqasına azģana yamasa tolıq jasırınģan boladı.
Siz ańsatlıq penen Jumıs stolındaģı Aktiv dástúr hám arqa fondaģı dástúrler ornın almastırıwıńız múmkin. Windowsda dástúrdi Aktivlestiriw ushın máseleler panelindegi dástúr túymesin basıń. Bunday jaģdayda qalģan barlıq dástúrler arqa fonģa ótiwine sebep boladı. Ámeliy dástúrler menen bir qatarda operaciyalıq sistema basqa processlerdi de qadaģalaydı. Tarmaqlar, serverler, super kompyuterler bir waqıttıń ózinde júzlegen, mıńlaģan paydalanıwshılarģa baylanısıw múmkinshiligin beredi - bul kóp paydalanıwshılı operaciyalıq sistema boladı. Geyparaları turaqlı yad. Basqaları talap qılınģanda orınlawshı dástúrler.
Sistemalı utilitalar. Sistemali utilitalar kompyuterdiń apparat qurallarına, ásirese tasıwshılarına, operaciyalıq sistemalar hám basqa qosımshalarģa xızmet etiwge arnalģan.
Testlew hám diagnostika dástúrleri. Bul dástúrler kompyuter hám hár bir uzellerdiń islew múmkinshiliklerin tekseriw, bar, júzege kelgen yamasa potencial isten shıģıwlardı anıqlaw ushın xızmet etedi.
Jıynawshılarģa xızmet qılıwshı dástúrler. Diskli jıynawshılar hám olarda saqlanatuģın maģlıwmatlarģa xızmet etiwge arnalģan dástúrler klassı.
Diagnostika dástúrleri disk jıynawshılarında jaylastırılģan maģlıwmatlardıń logikalıq quramındaģı isten shıģıwlardı anıqlaydı hám saplastıradı.
Defragmentator dástúrleri disklerde maģlıwmatlardı jaylastırıwdı sonday tártipleydi, nátiyjede olarģa giperssılka etiw yamasa kiriwdiń maksimal tezligin asıradı.
D isklerdi defregmentaciyalaw
Qattı diskte defregmentaciyalaw – bul qattı diskte maģlıwmatlardıń tártiplengen hám strukturalanģan jaģdayda saqlanıwı. Fayllar diskte anıq izbe-izlik boyınsha anıģıraģı sektorlarģa bólingen maydandı toltırıw, oylayıq qattı disk bul arxiv, sektorlar bolsa hújjetler (hár qıylı maģlıwmatlar) saqlanatuģın qutılar. Anıq bir ólshemge iye bolģan fayl sektordan belgili bir orındı iyeleydi. Sonda sistema onı bóleklerge ajıratadı hám bul bóleklerdi jáne belgili bir muģdardaģı bos orınları bolģan túrli sektorlarģa jaylastıradı.
Bul fayldan paydalanıw processinde sistema usı fayldı barlıq sektorlerden qıdıradı. Máselen bir bólekti bir sektordan tawıp keyin jáne qaytadan pútin sektorlar boyınsha ekinshi hám úshinshi bóleklerdi izlep baslaydı hám t.b. Waqıt ótiwi menen bul bólekler sanı artıp baraberedi, bul process júdá kóp waqıttı aladı.
Kompyuterde orınlanatuģın ámellerge qarap disklerdi defregmentaciyalaw kerek. Máselen, túrli hújjetlerdi oqıw hám redaktorlaw isleri ushın diskti bir ayda bir márte eger kompyuterde filmler, video kórseńiz, oyın oynasańız defregmentaciyalaw processin qısqa waqıtta orınlawģa durıs keledi. Defregmentaciyalaw processi disktegi bos orınlardıń ólshemine qarap bir neshe minuttan bir neshe saatqa shekem waqıttı aladı. Eger diskińiz 90% ke shekem tolģan bolsa bul process uzaq waqıt dawam etedi, sonıń ushın kereksiz faylardı óshiriw yamasa olardı sırtqı yadqa jazıp turıw talap qılınadı.
(2.36-súwret. Disklerdi defregmentaciyalaw)
“Очистка диска” dástúri qattı diskti tazalaw ushın paydalanıwshı tárepinen tańlanģan fayllardı óshiriw ushın xızmet etedi. Eger kompyuterińizde bir qansha diskler yamasa bólimler bar bolsa ekranda diskti tańlaw aynası ashıladı:
Do'stlaringiz bilan baham: | 
