Web of conferences konferensi internasional penelitian inovatif ilmu pengetahuan dan pendidikan

SCIENCE COMMUNITY: WEB OF CONFERENCES
October-December, 2021
74 
ҲАРАКАТЛАНУВЧИ УСКУНАДА ПАХТА ТОЗАЛАШ ЗОНАСИ 
САМАРАДОРЛИГИНИНГ ТАҲЛИЛИ. 
т.ф.д., профессор А.П.Парпиев, 
т.ф.н., доц. Х.Н.Пардаев, магистрант А.Ш.Анваров
Тошкент тўқимачилик ва енгил саноат институти 
Аннотация.Мақолада пахтани тозалаш жараёнида зарба кучини мeъёрида қўллаш ва 
заррачаларини интeнсив ҳаракатга кeлтириш жараёни хамда таъминлашнинг илмий 
назарий асослари ўрганилди. 
Annotation. The article explores the scientific and theoretical basis of the process of applying 
the force of impact in the process of ginning cotton and the intensive movement of the particles. 
 
Республикамизда пахтачилик тармоғини ривожлантириш, пахта тозалаш корхоналарини 
модернизациялаш ва техник қайта жиҳозлаш, ишлаб чиқариш ва пахта хом ашёсини қайта 
ишлаш рентабеллигини, шу билан бирга, ишлаб чиқариладиган маҳсулотларнинг 
рақобатбардошлилигини ошириш бўйича комплекс чора-тадбирлар амалга оширилмоқда. 
[1]
1970 йилар охирларида машинада терилган пахталарнинг ифлослик даражасини 
камайтириш мақсадида машинада терилган пахта ва ердан терилган пахта (подбор), 
терилган кўсаклар дала шароитларида УП-1.5В универсал пахта тозалагичда тозаланиб 
пахтани қайта ишлаш корхоналарига топширилган. Шунингдек машинада терилган 
пахтанинг ифлосланганлик даражасини камайтириш мақсадида пахта териш машиналари 
бункер кириш қисмига аррали тозалаш барабани ўрнатилиб қисман дала шароитида йирик 
ифлосликлардан тозалаш имкониятига эришишган.
Ҳозирги кунда далалардан териб келтирилган пахта хом ашёси тўғридан-тўғри сақлашга 
ва дастлабки ишлаш учун технологик жараёнга берилади. Айниқса, машинада терилган 
пахта хом ашёсини таркибида ифлослик даражасини ва намлиги юқори эканлиги бунга йўл 
қўймайди [2]. Бундай ҳолатда пахта хом-ашёсини технологик жараёнга юбориш мақсадга 
мувофиқ эмас. Чунки, паст навли пахта хом-ашёсини тозалаш жараёнида етарлича тозалаш 
имконияти бўлмайди ҳамда пахта таркибидаги ифлосликлар актив ифлослик даражасига 
ўтиб қолади. Натижада тола паст синфларга ўтиб кетади. Паст навли чигитли пахта хом 
ашёсини қайта ишлаш жараёнида уни ифлосликлар (майдаланган, барглар ва гуллар 
қолдиғи, шохлар ва х,к)лардан тозалаш зарур бўлади.
Ифлосликлар икки кўринишга (типга) бўлинади