Web ilovalarni yaratish 9-Variant Web server

Web ilovalarni yaratish

9-Variant

Web server.

Biror bir internet saytga kirish uchun, brouzerga manzil yozsangiz, brouzer shu sayt joylashgan kompyuterga, saytdagi ma'lumotlarni ko'rsatish haqida so'rov jo'natadi, kompyuter oddiy temir bo'lgani uchun bu so'rovni tushunmaydi. Shuning uchun, ya'ni bu so'rovni tushunishi uchun, kompyuterga dastur o'rnatiladi. Mana shu dastur web dastur deyiladi. Bu kompyuter esa, web serverga aylanadi. Hozirda web dastur deyilmasdan, umumiy holda web server deyiladi.

Web server — foydalanuvchidan kelayotgan so'rovlarni qabul qilib, tegishli javobni jo'natadigan dasturdir. Foydalanuvchi sifatida web brouzer(http, https protokoli orqali), mobil telefon(wap protokoli orqali), ba'zi dasturlar(antiviruslar) bo'lishi mumkin. web server orqali butun sayt boshqariladi, ya'ni sayt kataloglariga ruxsatlarni beradi, xavfsizlik jihatidan IP manzillarni blokka oladi, foydalanuvchilarni ro'yxatdan o'tkazish va boshqa ko'plab ishlarni amalga oshiradi.

Web serverni istalgan joyda yaratishimiz mumkin. Uning uchun bitta kompyuter ajratib, unga biror web dastur o'rnatamiz va bu dasturni yaxshilab sozlashimiz kerak bo'ladi. So'ng o'z saytimizni shu serverga joylashtiramiz va biror domen sotib olamiz. Bundan kelib chiqadiki, saytimiz ishlashi uchun biz ajratgan kompyuter doim yoqilgan holatda bo'lishi kerak.

Web serverga o'rnatiladigan web dastur turlari ko'pdir. Eng zamonaviy va eng ommabop dastur bu – albatta "Apache"dir. Apache Software Foundation korxonasi tomonidan chiqarilgan. Quyida web serverlarni nomi kelgan.

Apache – Apache Software Foundation.

IIS – Microsoft mahsuloti hisoblanadi. Server operatsion tizimlariga o'rnatilgan(Windows Server 2003, Windows Server 2008,..).

Nginx – ochiq veb server. Katta hajmdagi saytlar uchun.

Lighttpd – ochiq veb server.

Google Web Server – Google tomonidan ishlab chiqilgan veb server.

Resin

Cherokee – veb interfeys orqali boshqariladi.

Rootage – Java tilida yozilgan veb server.

THTTPD – oddiy, kichik hajmdagi, tez va xavfsiz veb server.