Web-Freelance saytlari bilan tanishish

INTERNET FREELANCERLIK BILAN SHUG‘ULLANUVCHI SOHALAR

Matn (maqola, yangilik, e`lon, elektron kitob, a`riza va h.k.) yaratadiga kopirayterlar;
Mutlaqo yangi materialni yaratish uchun tayyor ma`qolalarni qayta ishlaydigan yozuvchilar (rerayterlar).
Saytni materiallar bilan to`ldirish uchun javobgar kontent menejerlari.
Maqolalar matnining uslubi, imlo va tinish belgilarini tekshiradigan va tuzatadigan muharrir va musahhihlar.
Turli texnik va tasvirli adabiyot, web sayt va boshqalarning tarjimonlari.

DIZAYNERLAR:

– ichki va landshaft dizaynerlari;

– grafik dizaynerlar;

– banner, kalendar, kitob muqovalari, vizit kartochkalari, afishalar, infografika, logo va boshqa turdagi grafiklar bilan ishlovchi dizaynerlar;

– o‘yin dasturlari dizaynerlari. Har qanday dizayner yuqori didga ega bo‘lishi bilan bir qatorda grafik dastur (Illustrator, Photoshop, CorelDraw, 3D Max, 4Studio, MAX, Maya)lar bilan ishlay olishi lozim.

WEB-DIZAYNERLAR VA SAHIFALOVCHILAR:

– web-dizaynerlar g‘oyalar, uslublar bilan tanishadi va ajoyib grafika hamda qulay navigatsiya elementlaridan iborat sayt yaratadi. Webdizaynerlar foydalanuvchilar uchun qulay interfeys va interfaol ilovalar qanday loyihalanishi va yaratilishini bilishi kerak;
– web-sayt sahifalovchisi. Dastlab web-dizayner tomonidan maket tuziladi. So‘ngra sahifalovchi sayt strukturasi va elementlarini yaratadi hamda web-sahifani joylashtirish kodini yozadi. Shuningdek, sahifalovchi shrift, abzas, sarlavhalar joylashtiriladigan sayt sahifasi skeletini ham yaratadi. Sahifalovchi tizimning qidiruv talablarini hisobga olgan holda web-resursning aniq, mantiqiy va sodda navigatsiyasini yaratadi.

FREELANCER.COM SAYT

• Freelancer.com freelance xizmat bozori platformasi bo‘lib, xaridor va sotuvchilarni bir joyga yig‘ish uchun qurilgan. Bu platforma mutaxassis, ijodkor va texniklarni qo‘llab-quvvatlab, ularga xizmatlarni oson sotish imkonini beradi. Ushbu platforma yordamida ma’lumotlarni kiritish, dasturiy ta’minotni ishlab chiqish, yozish, marketing, buxgalteriya va muhandislik kabi loyihalarda qatnashish mumkin. Upwork saytiga o‘xshash, ammo dizayn bilan birga dasturchilikka ham alohida (ba’zan bir-biriga bog‘liq holda) e’tibor beriladigan tarmoq. Ham dizayn, ham dasturchilik bo‘yicha qobiliyatli, bilimli kishilar uchun ajoyib tarmoq. Freelancer uchun narx rejalari juda moslashuvchan bo‘lib, tizim oylik va yillik obuna paketlarida taqdim etiladi. Shuningdek, xavfsiz va ishonchli to‘lovlar, jarayonni oson kuzatib borish, profildagi ma’lumotlar yordamida yaxshi loyihalarni qo‘lga kiritish mumkin.