Web dasturlashga kirish fanidan laboratoriya ishlarini bajarish bo’yicha uslubiy ko’rsatma «web dasturlashga kirish»

---

Web dasturlashga kirish fanidan laboratoriya ishlarini bajarish bo’yicha 

uslubiy ko’rsatma 

«WEB dasturlashga kirish» kursi WWW ning rivojlanish bosqichlari, kliyent-

server  texnologiyalari,  internet  protokollar,  web  ilovaning  tarkibiy  qismlari, 

frontend va backend texnologiyalarini loyihalash va yaratish, web-saytlarni ishlab 

chiqishda ma’lumotlar bazasi bilan aloqani o‘rnatish, murakkab so‘rovlarni amalga 

oshirish ko‘nikmalarini hosil qilishga qaratilgan.  

Mazkur kursning maqsadi zamonaviy web dasturlashning nazariy va amaliy 

bilimlarini  o‘rganish  va  ularni  yaratish  texnologiyalarini,  web  dasturlash  uchun 

mo‘ljallangan HTML5, CSS3-4, JavaScript, JQuery, Bootstrap, AngularJs va PHP 

dasturlari, zamonaviy freymvork platformalari orqali web texnologiyalarning asosiy 

tushunchalarini,  server  tomondan  dasturlash  texnologiyalarini,  MySQL,  AJAX 

texnologiyasi va ular bilan ishlash, MVC freymvork texnologiyalari bilan ishlash, 

YII2  freymvorkda  veb-saytlarni  loyihalashning  ko‘nikma  va  malakalarini 

shakllantirishdan iborat. 

Ushbu dasturga muvofiq kurs ma’ruzalar mavzulari, talabalarning individual 

mashg‘ulotlari mavzulari, talabalarning  mustaqil ishlari mavzularidan  iborat. 

Talabalar  individual  mashg‘ulotlarini  bajarish  orqali  yuqoridagi  bilimlarga 

ega bo’lishga zamin yaratiladi. 

Talabalarning  mustaqil  ishlashlar  uchun  quyida  laboratoriya  topshiriqlar 

keltiriladi. Har bir talaba bitta mavzuni tartib nomeri bo’yicha oladi. Bu mavzuda 

berilgan  qandaydir  web  saytni  yaratish  jarayonida  10  ta  mavzulashtirilgan 

laboratoriya  mashg’ulotini  bajaradilar.  Laboratoriya  ishlarini  baholash  umumiy 

bahoning 30% tashkil qiladi. Har bir topshiriq uchun maksimal umumiy ballning 3% 

i  beriladi.  Mavzulashtirilgan  laboratoriya  ishlarini  topshirishda  talaba  hisobot 

shaklida topshiriq natijalarining rasmlari va dastur kodilarini topshiradi.