Ворислик ҳУҚУҚи амалий қўлланма Baktria press

ВОРИСЛИК ҲУҚУҚИ
6
ўташ жараёнида уларда моддий ва процессуал ҳуқуқ нормаларини 
қўллаш бўйича кўникмаларни шакллантириш, фуқаролик ишларини 
кўриш ва ҳал қилишга доир қонунчилик ва судга оид процессуал 
ҳужжатлар билан ишлаш самарадорлигини ошириш масала¬ларига 
алоҳида эътибор беришни тақозо этмоқда. 
Мазкур амалий қўлланма фуқароларимизнинг муҳим фуқаролик 
ҳуқуқи саналмиш ворислик ҳуқуқи ва уни ҳимоя қилиш масалаларига 
бағишланган бўлиб, фуқароларимизнинг мазкур соҳадаги ўз мулкий 
ҳуқуқларини амалга оширишларида муҳим қўлланма вазифасини 
бажариш билан бир қаторда фуқаролик ишлари бўйича туманлараро, 
туман (шаҳар) судлари судьяларининг ворислик ҳуқуқига доир қонун 
нормаларини амалиётда тўғри ва бир хилда қўллашларида ҳам 
фойдали ҳисобланади.
Мазкур қўлланма 10 боб, 23 параграфдан иборат бўлиб, унда 
ворислик ҳуқуқининг барча жиҳатлари қамраб олинган. Хусусан, 
ворислик тўғрисидаги умумий қоидалар, васиятнома бўйича ворислик, 
қонун бўйича ворислик ва меросни эгаллаш масалалари китобхон учун 
тушунарли, содда ва равон тилда ёзилган бўлиб, муаллиф мавзуни 
ўзлаштириш учун қулай схемалар, саволлар ва уларнинг жавоблари, 
суд амалиётидан олинган муаммоли вазиятлар ва уларнинг ўзига хос 
ечимини берган ҳолда амалий қўлланмалар учун қўйилган замонавий 
талаблардан усталик билан фойдаланган. 
Мазкур қўлланма, шунингдек, юридик олий ўқув юртлари ва 
малака ошириш марказлари профессор-ўқитувчиларининг, суд ва 
ҳуқуқни муҳофаза қилувчи идоралар вакилларининг ўқитишнинг 
интерфаол усулларидан самарали фойдаланган ҳолда маъруза 
ва амалий машғулотларни қизиқарли ўтказишга ёрдам беради. 
Мазкур қўлланмада берилган муаммоли вазиятлар ва масалаларни 
бажариш орқали ҳар қандай тингловчи ёки талаба ўқув курси бўйича 
ўз билимларини синаб кўради ва шу орқали ўқув курси бўйича олган 
билимларини янада мустаҳкамлаш имкониятига эга бўлади.