Волейболнинг вужудга келиши, ривожланиши ва ҳозирги аҳволи Волейбол ўйини ҳақида умумий тушунча

ЖАХОНДА ВОЛЕЙБОЛНИ РИВОЖЛАНТИРИШ ЖАРАЁНИНИ ХАЛҚАРО ТАШКИЛОТЛАР ДАРАЖАСИДА БОШҚАРИШ
Волейбол тараққиётини бошқариш
халқаро волейбол Федерацияси
(ХВФ - ФИВБ) ва зонал конференциялар
орқали ижро этилади.
Оврупа, Осиё, Африка, Шимолий
Америка, Марказий Америка ва
Кариб денгизи, Жанубий Америка
минтақаларининг зонал конференциялари
мавжуд.
ФИВБнинг алоқа ва иш фаолиятлари расмий равишда инглиз, фаранг, рус ва испан тилларида амалга оширилади.
ФИВБ ўзининг уставига эга. У вақти-вақти билан волейбол сохасида рўй бераётган асосий воқеалар билан ёритилган расмий БЮЛЛЕТЕНЬ чиқариб (нашр қилиб) туради, турли услубий кўрсатмалар, ҳужжатлар, низомлар, тавсияномалар чоп этилади.
ФИВБнинг асосий мақсади – жаҳоннинг турли минтақаларида волейболни ривожлантириш, барча давлатларнинг спортчилари ва расмий шахслари ўртасидаги дўстлик алоқаларини мустаҳкамлаш, миллий волейбол федерацияларини бирлаштириш, янги миллий волейбол федерациялари тузиш, расмий мусобақалар ўтказиш, ўйин қоидаларини ва тактикасини шакллантиришдан иборат.
ФИВБнинг олий органи – Конгрессдир. У икки йилда бир марта ўтказилади.
ФИВБнинг раҳбар органи – Маъмурий Кенгаш бўлиб, ўз президенти, бош котиб ва уни ёрдамчилари, 4 та вице президенти, 12 та Кенгаш аъзолари ва зонал конфедерацияларнинг президентларидан ташкил топади.
Маъмурий кенгашнинг қарорларини Ижроий Қўмита ҳаётга тадбиқ этади. Ижроий Қўмита ўз президентидан, икки вице президентидан, бош котиби ва уни икки ёрдамчисидан иборат. ФИВБда техник органлар ҳам мавжуд бўлиб, улар 5 та доимий ҳайъатлардан ташкил топади.

• ТАШКИЛИЙ-СПОРТ ҲАЙЪАТИ – мусобақаларни ташкил қилиш ва уларни таҳлил этиш, маълумотларни йиғиш ва волейбол бўйича халқаро спорт календарини режалаштириш;
• ТРЕНЕРЛАР БЎЙИЧА ҲАЙЪАТ - волейбол эндигина ривожланаётган минтақа ва давлатларда шу спорт турини тараққий эттириш тадбирларини ташкил қилиш, тренерлар билан семинарлар уюштириш, уларга маслаҳатлар бериш, волейбол бўйича «қўли калта» давлатларга ёрдам сифатида тренерларни ҳар хил муддатларга ишга жўнатиш, услубий кўрсатма ва тавсияларни ишлаб чиқиш ва амалиётга жорий этиш ишлари билан шуғулланади.