Vodorod oddiy modda. Vodorodning fizik, kimyoviy xossalari. Vodorod sof ekologik yonilg'i, uning ishlatilishi 9-laboratoriya mashg’uloti

Aqliy hujum metodi. O’quvchilarga muammoli savol o’rtaga tashlanadi. Barchani javoblari tinglanadi hech qaysi bir o’quvchiga javobi to’gri yoki noto’g’ri degan qaror qabul qilinmaydi. Barcha javoblar eshitilgach, to’g’ri javoblar umumlashtirilib yagona to’g’ri javob qabul qilinadi.

Savol:
Nima uchun quyosh bizga yorug’lik va issiqlik berib turadi?
Quyosh ham so’nadimi?
Bu yorug’lik va issiqliklar manbayi nima deb o’ylaysiz?

Reja:

• Vodorod – oddiy modda
• Vodorodning fizik va kimyoviy xossalari
• Vodorod – sof ekologik yonilg‘i. ishlatilishi

Oddiy modda sifatida vodorod ikki atomdan tashkil topgan – H2. Uning nisbiy molekular massasi »2 ga teng bo‘lib, eng yengil, eng yaxshi issiqlik o‘tkazuvchi gaz deb hisoblanadi.

Vodorod metallarda erish xususiyatiga ega. Undan tashqari, eng yengil gaz sifatida eng katta diffuziya tezligiga ega.

Uning molekulalari boshqa gaz molekulalariga nisbatan tegishli modda muhitida tez tarqaladi va turli to‘siqlardan oson o‘ta oladi.

Fizik xossalari.

Vodorod – rangsiz, hidsiz, ta’msiz gaz. Suvda yomon eriydi: normal sharoitda 1 l suvda 21,5 ml eriydi.
Ba’zi metallarda (nikel, palladiy, platina) yaxshi eriydi. U eng yengil gaz, havodan 14,5 marotaba yengil.

Kimyoviy xossalari.

Odatdagi haroratda molekular vodorodning faolligi katta emas. Atomar vodorod esa juda faoldir.

Vodorod deyarli barcha metallmaslar bilan uchuvchan birikmalar hosil qiladi. Metallmas faolligiga qarab reaksiya tez yoki sekin sodir bo‘ladi.

Vodorod – bu kelajak yonilg‘isi. Yonganda faqat suv bug‘i hosil bo‘ladi va atrof-muhitni ifloslantirmaydi. Shuning uchun vodorod ekologik sof yonilg‘i sifatida istiqbolga ega.

Quyosh qa’rida sodir bo‘ladigan termoyadro reaksiyasi – vodorodning geliyga aylanishi ko‘p tabiiy jarayonlar uchun tuganmas yagona energiya manbayidir.