Viloyatning Markaziy Farg’ona hududlarida tarqalgan tuproqlar sho’rlanishga o’ta moyil yerlar bo’lib, ular doimo sug’orish va zax qochirish melioratsiyasiga muhtoj hudud hisoblanadi

Kirish
O’zbekiston Respublikasi Prezidentining 2007 yil 29-oktabirdagi “Yerlarning meliorativ holatini yaxshilash tizimini tubdan shakillantirish chora – tadbirlari to’g’risidagi PF-3932-sonli Farmoni” va O’zbekiston Respublikasi Prezidentining 2007 yil 31-oktyabirdagi “O’zbekiston Respublikasi Moliya vazirligi huzuridagi yerlarning meliorativ holatini yaxshilash fondi jamg’armasini tashkil etish to’g’risidagi” PQ-718-sonli qarori qabul qilingan.

Ularni amalga oshirilishini ta’minlash maqsadida O’zbekiston Respublikasi Prezidentining 2008 yil 19-martdagi “2008-2012 yillar davrida sug’oriladigan yerlarning meliorativ holatini yaxshilash davlat dasturi to’g’risida”gi PQ-817 –sonli qarori qabul qilingan bo’lib, unda 2008 yildagi melioratsiya ishlariga davlat budjetidan 75 mlrd .so’m ajratildi. Milliy ma’ruza T.2008.71-72 b.

O’zbekiston Respublikasi Prezidentining “Sug’oriladigan yerlarning meliorativ holatini yaxshilash tizimini tubdan takomillashtirish chora tadbirlari to’g’risida”gi farmoni asosida sho’r yerlarning holatini yaxshilash bo’yicha 2008-2012 yillarga mo’ljallangan dasturi ishlab chiqilgan. Mazkur dasturga binoan o’tgan davr mobaynida viloyat miqyosida 3162 km kollektor – drenaj tarmog’i tozalandi, 172 ta drenaj qudug’i, 230 ta suv quvuri va ko’pgina nasos-stansiyalar ta’mirlandi. Ko’rilgan choralar tufayli 20 ming 535 gektar maydonning meliorativ holati yaxshilandi.

Turli darajada sho’rlangan sug’oriladigan yerlar Farg’ona viloyatining turli geomorfologik, gidrogeologik va tuproq iqlim sharoitlaridagi mintaqalarda tarqalgan bo’lib, agrokimyoviy, agrofizikaviy, fizik –kimyoviy, biologik va boshqa xossalari, unimdorlik darajasi hamda meliorativ va ekologik sharoitlarining xilma-xilligi bilan ajralib turadi. Bu o’z navbatida sug’oriladigan tuproqlarning holatini va ulardan foydalanish darajasini muntazam kuzatib borishni taqqazo etadi.

Viloyatning Markaziy Farg’ona hududlarida tarqalgan tuproqlar sho’rlanishga o’ta moyil yerlar bo’lib, ular doimo sug’orish va zax qochirish melioratsiyasiga muhtoj hudud hisoblanadi.